Doeg 《Gij Cingz Daxmeh》goq saw neix le, gou gamjdaengz gig najmong.

《Gij Cingz Daxmeh》bien faenz- cieng neix cujyau dwg gangj: “Gou” itcig siengj cawx bonj sawcuenh raez——《Cinghnenz Ginveiginh》, siengj ndaej baenz ngoenz hoenz cungj saet bae lo. Hoeng bonj saw haenx aeu it maenz lai ngaenz cij cawx ndaej, youq dangseiz moix faen ngaenz cungj dwg daxmeh mbaet gwn mbaet yungh rom roengzdaeuj, daxmeh soqlaiz hix caengz hawj gou baenz lai ngaenz gvaq. Yienghneix “gou” daeujdaengz gizdieg daxmeh guhhong haenx cam daxmeh aeu cienz bae cawx bonj saw haenx, daxmeh mbouj goq bouxwnq gienq naeuz, di ndeu cungj mbouj ngeizlaengx dwk dawz gij ngaenz de sinsin hojhoj rom haenx hawj “gou” cawx saw.

Doeg daengz gizneix, gou nyaenx mbouj ndaej siengj daengz daxboh daxmeh gou. Daxboh daxmeh gung dou geij beixnuengx gwn, cawx buhvaq hawj gyoengqdou daenj, gung gyoengqdou hwnjhag doegsaw…… Hoeng dou cix mboujdanh mbouj roxdaengz bohmeh sinhoj, caemhcaiq nyinhnaeuz neix cungj dwg gyoengqde wnggai yienghneix guh, miz seiz vanzlij vih gij saeh’iq caeuq gyoengq- de fatheiq.

Geiq ndaej bi’gvaq miz baez ndeu, daxmeh daiq gou bae haw, gou yawjraen aen vanzgi gig gyaeu ndeu, couh siengj heuh daxmeh cawx. Daxmeh naeuz:“Mwngz gaenq doeg seiq nienzgaep lo, wnggai lai cawx bit、bouh caeuq sawgovai.”“Hwng! Mwngz couhdwg ged, neix youh mbouj aeu geijlai ngaenz.” Gou mhouj fugheiq han naeuz. Vih gienh saeh neix gou geij ngoenz cungj mbouj caeuq daxmeh gangjvah. Hoeng daxmeh vanzlij caeuq bingzciengz ityiengh gvensim gou.

Doenggvaq doeg《Gij Cingz Daxmeh》goq saw neix, gou roxdaengz gij gyaez bohmeh gig hungmbwk. Raeuz wnggai lai lijgaij bohmeh, ngoenzlaeng gou itdingh ndeindei dingq gij vah gyoengqde, hawj gyoengqde noix causim di.

（指导老师：李专红）