Daxmeh gou gig ndeiyawj, naj de luenzlulu, noh naj hoengzmaeq, byoem youh raez youh ndaem, ndaeng sangsumsum, ndang de mbouj sang hix mbouj daemq. Daxmeh gou mboujdanh ndeiyawj, caemh- caiq gyaez bang vunz.

Miz ngoenz ndeu, mbwn laep- ngaungau, yaek doek fwn lo, daxmeh couh yaek bae dingjlaeuz sou haeuxmeg, sawqmwh de yawjraen daxbuz ranznden cingq boux vunz ndeu sou meg swhgeij, daxmeh couh yaek sien bae bang daxbuz ranznden sou, daxmeh Siuj Va yawjraen le, couh naeuz daxmeh:“Mwngz caen huk ha, gij meg swhgeij mbouj sou, bae bang vunz sou gonq.” Daxmeh gou riunyumj dwk han naeuz:“Daxbuz ranznden boux ndeu sou, sou daengz doek fwn hix sou mbouj liux ha, danghnaeuz deng fwn rwed le, couh mbouj miz gwn lo.” Gangj sat, daxmeh gipmuengz buet bae daengz ranznden doiq daxbuz naeuz:“Buzngeih ha, gou daeuj bang mwngz sou ba, fanjcingq gou dak mbouj lai.” Buz- ngeih naeuz:“Ndei ha, gou cingq yousim sou caengz liux couh doek fwn ne!” Gvaq yaep he, gij meg buzngeih couh sou sat lo, buzngeih naeuz:“Docih mwngz lai lo, meh Siujdungh.” Daxmeh couh naeuz:“Mbouj yungh law.” Gangj sat couh buet baema sou gij meg ranz gou lo, ngamq sou sat gij meg ranz gou, couh doek fwnraq lo.

Gou gig gyaez daxmeh gou, aenvih de gyaez bang bouxwnq, majhung le, gou aeu baenz bouxvunz lumj daxmeh yienghneix.

（指导老师：李丽君）