Lienh gimsug, aeu laemxsim lienh habgim, guh ganghabgim. Danghnaeuz raeuz lienh ndaej ok gangfouzmyaex daeuj nei, haujlai doxgaiq raeuz goj rox guh lo. Gaiqlij aeu naemj banhfap lai guh di. Lij aeu haeujsim cunghab soudauq. Seizneix, Liujcouh Yejlencangj caeuq Liujcouh Sinhbinjcangj, dandan soudauq sik caeuq faenjsinhyangj、faenjlizdwz, haujlai gimsug dijbauj haenx cungj begbeg sai bae, itdingh aeu siengj banhfap sou dauqma.

Ginghgungh, itdingh aeu yiengq Sanghaij doiqbak habsib. Sanghaij Soujbyaujcangj, yienzlaiz dwg aen cangj gimbit vaihvadvad ndeu, vunzde gag baengh haenq guh, seizneix ok ndaej soujbiuj ndei. Raeuz miz dangz ndei, hoeng lienz dangzgoj cungj guh mbouj ndaej ndei. Gij denciz Vujyang baiz Vuzcouh, yienzlaiz dwg huq mingz- baiz, gou bae Yeznanz lij daiq bae yungh, mboengqgonq cix bienq- baenz dauqgeq daihngeih mingz. Raeuz mboujdanh aeu daezsang gij suijbingz ginghgungh, hongdinfwngz caemh aeu guh hwnjbae. Hong- dinfwngz raeuz saedcaih doeklaeng dahraix lo, Guengjsae ok faex lai, hoeng lienz yiengh gyasei moegliuh cungj guh mbouj ndei, yiengh mbouj ndei yawj, cizlieng caemh yaez.

Raeuz yaek aeu lwnh gij naemj- fap caeuq fueng’yiengq daih sam aen haj bi giva Guengjsae haenx hawj Sanghaij nyi, hawj gij gunghcangj cungdenj caeuq huqok cungdenj Guengjsae ndaej caeuq gij cangj Sanghaij doiqbak doxgaeu, ceng ndaej Sanghaij bangcoengh, aeu youq ndaw 3 geij bi ndaej dabdaengz gij suijbingz Sanghaij. Raeuz aeu baenzdauq baij vunz bae Sanghaij hagsib, caemh cingj Sanghaij baenzdauq baij vunz daeuj Guengjsae bangcoengh. Cingj Sang- haij baij vunz daeuj ndaej yungh sam cungj banhfap neix: It dwg cingj gyoengqde diuh hawj di, ngeih dwg ciq yungh, sam dwg cingj guvwn. Gij vunz Sanghaij baij daeuj haenx, sojmiz gij ngaenzyungh cungj youz raeuz bau, ngaenzhong、ngaenzokcai caemh dwg raeuz ok. Ngaenzhong mboujdanh mbouj gemjnoix, lij yaek lai hawj di. Ndaej yungh boujdiep dingz banhfap neix, boujdiep aeu miz aen gvidingh doengjit ndeu. Gunghyez aeu guh hwnjbae, yungh gij banhfap cingj saefouh vunzguhnaz Cauzsan haenx lai ndei di.

(caengz sat)