Seizdoeng gwn di dang ndei ndeu, gawq ndaej bouj raemx hawj aenndang, youh ndaej nyinh bwt nyinh sauj, caemhcaiq ndaej hawj aenndang dingj ndaej bingh dem. Baihlaj gaisau geij aen dang gawq ndei gwn youh yungzheih guh ndeu hawj daihgya:

Dang makleizsezliz maenz- cienz bwtmou. Aeu 200 gwz maenzcienz, 2 aen makleizsezliz, fouq bwtmou ndeu, 5 gwz naeng makgam caez aeuq dang gwn. Cungj dang neix ndaej siu ndat nyinh bwt、vaq myaiz dingz ae、liengz lwed bang siuvaq. Hab boux baenz ganhyenz、boux baenz daep ndongj、boux baenz hozgyawh haenz caeuq boux baenz feiyenz gwn.

Dang ndoksej ngaeux. Aeu 500 gwz ngaeux, 500 gwz ndoksej mou caez aeuq dang gwn. Ndaej bouj mamx ik bwt.

Dang nohcing beghab daiswj- sinh. Aeu 100 gwz daiswjsinh, 50 gwz beghab, buenq aen mak- lozhangoj, 150 gwz nohmou cing itheij aeuq dang gwn. Ndaej nyinh bwt siu sauj、ik bwt seng raemx. Hab boux heiq haw bwt sauj、boux ae’ngab heiq dinj、boux bak sauj hozhawq、boux ndat sauj sieng bwt gwn.

Dang makcauj byaek sauj nohbit. Aeu 400 gwz nohbit, 100 gwz nohmou cing, 250 gwz byaekhau sauj, 5 aen makcauj caez aeuq dang gwn. Ndaej nyinh bwt siu sauj、dingz ae seng raemx. Hab boux gan ae mbouj miz myaiz、boux conghhoz hawqsauj gwn.

Seizdoeng ciengz gwn mak- leiz、makyungz、makcengz、mak- moiz、makit、maksanhcah、maksig- louz、makmizhouzdauz daengj, ndaej ciengx bwt、dingz siq giep caep、seng raemx gaij hozhawq、cangq dungx siu cwk、sek dungx. dangzrwi、ngveih makgingq、raetngaenz、daeuhfouh caemh ndaej doeng haex. Boux dungxsaej hawnyieg youh siuvaq mbouj ndei haenx, ndaej gwn di cehmbu、maenzcienz、duhbap ndeu.

Gwn