Seizdoeng gwn bouj baez mbouj siujsim couh bouj gvaqmauh, daegbied dwg boux baenz binghmenhsingq, lij aeu lai gwn di lwgmak caeuq byaekheu ndeu daeuj bouj raemx hawj aenndang, fuengz lwed gwd niu. Gwn cungj byaek lawz ceiq ciengx ndang ne?

Lauxbaeg. Seizdoeng ciengx ndang ndaej lai gwn di lauxbaeg ndeu. Vahfug naeuz: Seizdoeng gwn lauxbaeg, seizhah cix gwn hing. Lauxbaeg ndaej swnh heiq siu cwk、dingz ae vaq myaiz、cawz sauj seng raemx、sanq giet gej doeg、cing liengz gaij hozhawq、mizleih doeng haex.

Byaekhau. Cunghyih nyinh- naeuz, byaekhau ndaej ciengx dungx seng raemx、siu fanz gaij hozhawq、leih nyouh doeng haex、siu ndat gej doeg. Dingzlai vunz cungj gwn ndaej, daegbied hab boux bien biz、boux ndaw ndat bien hoengh、aendungx mbouj huz、baenzae myaiz lai haenx gwn. Seizdoeng aenmbwn hawqsauj, byaekhau hamz raemx lai, hamz veizswnghsu C hix lai, lai gwn di ndaej nyinh yaem nyinh sauj、henhoh naengnoh. Gij nyinzsei ndaw byaek- hau ndaej nyinh saej baiz doeg, coi ndang vunz supsou danbwzciz doih- duz, boux baenz haexgaz engq hab lai gwn di byaekhau ndeu.

Duhngaz. Ndaw duhngaz hamz miz yezluzsu ndaej fuengzceih saej- gyoenj baenzaiz, ndawde hamz miz denhmwnz dungh’anhsonh, ndaej hawj yujsonh noix rom youq ndaw ndang vunz, baenzneix couh mizleih siucawz naetnaiq. Cunghyih nyinhnaeuz, duh- ngaz singq diemz, ndaej siu ndat gej doeg、leih caep doeng haexnyouh.

Byaekbohcai. Ndaw byaekboh- cai hamz miz huz lauxbaeg doxgaiq beij cungj byaek wnq lai, hamz hwzvangzsu hix lai, ndaej fuengz gokbak biux naeuh、naengbak in、linx in、naeng haenz.

Lauxbaeg nding. Lauxbaeg nding aeuq gwn ceiq ndei, daihngeih dwg cauj gwn. Aeuq gwn ndaej baujciz huz lauxbaeg doxgaiq 93% baedauq, cauj gwn ndaej baujciz 80% doxhwnj.

Byaekreuz. Byaekreuz hamz miz veizswnghsu doxgaiq lai, veizswnghsu C hamzliengh engq lai, beij byaekhau caeuq ngaz duhhenj lij sang gvaq samseiq boix, beij makgam lij sang 2 boix. Coudoeng geiqciet saidiemheiq ganjyenj baenzbingh lai, wng lai gwn di byaekreuz ndeu.

Ohswnj. Ndaw ohswnj hamz denj ceiq lai, mbaw de yingzyangj ndei gvaq ganj de. Boux seizdoeng haengj baenzae lai haenx wng lai gwn di mbaw ohswnj ndeu.