Ok hanh daiq lai rox sied heiq, hix rox sieng daengz raemx ndang sonjhaih sim lwed. Ndigah, seizdoeng lienhndang geih hanh lae hanh roenx.

It fuengmienh, mwh ok hanh seiz conghbwn mbehai, sigin couh ciemq haeuj ndang vunz bae yinxhwnj baenzbingh; lingh fuengmienh, seizdoeng mbwn nit, baez ok hanh le, ndang vunz bungz daengz rumznit couh yungzheih baenz dwgliengz. Daegbied dwg bouxlaux, seiz- doeng engq aeu mienx deng hanh lae hanh roenx, neix dwg aenvih gojnwngz rox yaeuhfat baenz simlwd saetciengz caeuq hezyaz doekdaemq.

Yindung gaej daiq haenq, gamjdaengz aenndang loq ndat di couh ngamj. Swiq sanghnaz roxnaeuz cimq raemxmboq raeuj aeu haeujsim gaem ndei seizgan, itbuen cimq 15 faen cung baedauq, raemxraeuj aeu gam- hanh youq 40 doh dauqlaj.