Veiz Gozcingh vix deihdoz dwk, caezcienz gangj le Guengjsae yaek guh diuz goengloh reguek youz Gveilinz lohgvaq diegbya baihsaebaek Guengjsae daengz Lungzbangh Cing- sih ndeu, raez gaenh cien goengleix, lohgvaq Gveilinz、Liujcouh、Hozciz、Baksaek 4 aen digih. Gij dungzci goengdaeuz cunghyangh doiq aen hanghmoeg deng cwng guh “Hongloet 0539” neix, nyinhcaen ngeixyaeng, baecinj le gij fueng’anq Guengjsae neix. Veiz Gozcingh lij daezok, youq Guengjsae ciucomz bang vunzguhnaz bouxcoz, gyoebbaenz aen Bingduenz Hongloet Gaijfangginh ndeu, yungh daeuj coihguh gij goengloh reguek Guengjsae. Aen iugouz neix goeng- daeuz cunghyangh caemh doengzeiq lo. Guh diuz roen reguek neix, doiq henre diegnamz guekcoj, haifat dieg- bya baihsaebaek Guengjsae, cungj miz gij cozyung youqgaenj. Vunzlai dangdieg naeuz:“Diuz neix diuz roen baenzmiz ndeu!”

Veiz Gozcingh youq Baekging guh sat aen hongrap neix le, youh caeuq Gyauz Yaujgvangh、Cinz Ying- gih doxvuenh le gij yigen gvancez roengzmaenh cingsaenz hoih hong cunghyangh haenx, liuxle cij cienj bae Sanghaij guh fukcaz caeuq laebdaeb liuzyangj.

Mwh de youq Sanghaij liuz- yangj, de gaenbonj mbouj nyienh youq hoengq, ciengzseiz ngeixnaemj baenzlawz bae leihyungh gij rengzlig Sanghaij, caj bimoq hainduj guh gij giva 5 bi aen daih sam le, youq duenhhaenx doi gunghyez Guengjsae hwnj gyaeklae moq bae.

De heuh boux cujyin Ginghveij Swcigih Gyangh Ciuhbingz lingx 10 lai boux dungzci honghangz gunghgyauh daeuj Sanghaij ngonzyawj, hagsib gij gingniemh Sanghaij, caemhcaiq doxyaeng gij saeh caiqbaez daj Sanghaij senj cangj haenx. Mwhhaenx, de lai baez caeuq Gyangh Ciuhbingz daengj vunz doxging le gij naemjfap de doiq mbefat gunghyez Guengjsae haenx.

De naeuz, gij giva 5 bi aen daih 3 Guengjsae, gunghyez ceiqnoix yaek ndaej aen suijbingz bingzyaenz daengx guek. Gij hanghmoeg fanzdwg guh moq haenx, caenhrengz caijyungh gij dinfwngz gunghyi caeuq sezbei ceiq senhcin haenx. Gaej cungj gaen laeng vunz gyaep aeu, aeu gyaep caemh aeu mauh, miz mauhgvaq cij ndaej gyaep dawz vunz. Gij hongloet fanzdwg miz diuzgienh ndaej cuengq haeuj hangh- moeg guekgya haenx, aeu hwnjheiq bae ceng. Ceng mbouj ndaej nei, couh aeu roengzrengz cauh diuzgienh, bonjfaenh gag naemj banhfap guh gij iq gonq, miz gij iq le gvaqlaeng dingh ndaej guh gij hung.

(caengz sat)