Gaenh geij bi daeuj, Yungzanh Yen doenggvaq gaij fap fazcanj ndoeng go’ndoek canjlieng daemq nem youq laj faex ndaem goyw, coengh doenghboux nungzminz saujsu minzcuz ndaem faexndoek ndaej laisou, gemjnoix raemj faex, saedyienh swnghdai ndaej laebdaeb bauj ndei. Gaij fap ndaem ndoeng go’ndoek dihcanj le moix moux ndaej gya maj gij faexndoek hop raez cik ndeu de 60-100 go, doenghgij go’ndoek neix moix go gai ndaej 18 maenz doxhwnj, laj faex caujcanhhuz (cungj goyw ndeu) moux canj 500 goenggaen, moix goenggaen gai ndaej 2 maenz, vanzlij miz gorangz dem, moix moux diegfaex lai canj mauhgvaq 2000 maenz dox- hwnj, hawj doenghboux nungzminz saujsu minzcuz ndaem faex ndaej laisou. (Danz Gaijhingh/谭凯兴)