Dangj Nem Guekgya Ok《Yigen》: Yawjnaek Nem Bauj Gij Gienz-

leih Saujsu Minzcuz Aeu Vah Saw Minzcuz Ciepsouh Gyauyuz

Geij ngoenz gonq, Cunghgung Cunghyangh、Gozvuyen yaenqok caemh fatbouh《Aen Yigen Gven- daengz Youq Seiz Moq Gyagiengz Nem Gaijndei Hong Minzcuz》, daezok 25 diuz yigen. Ndawde, 《Yigen》giengzdiuh, aeu laemxsim doihengz gij gyauyuz gvendaengz vah saw guekgya doengyungh, cienzmienh hai godangz son vah saw guekgya doengyungh, cienzmienh doigvangq vah saw guekgya doengyungh, bauj doengh- boux hagseng saujsu minzcuz gihbwnj gaemdawz nem sawjyungh vah saw guekgya doengyungh, doengzseiz yawj- naek nem bauj gij gienzleih saujsu minzcuz ndaej aeu vah saw minzcuz ciepsouh gyauyuz, mboujduenh daez- sang saujsu minzcuz vah saw gyauyuz suijbingz, caemhcaiq youq gij dieg minzcuz vunzlai aeu miz song vah saw de hengzguh yozcenz(haeujhag gaxgonq) song vah saw gyauyuz, dingh gij cwngcwz ciengjli, gyarengz dieg doiq dieg bangcoengh baij lauxsae, guh ndei hong ciu aeu doenghboux lauxsae song vah saw, bangcoengh beizyangj beizyin doenghboux lauxsae son song vah saw、yenzgiu gyauyoz、 haifat nem okbanj sawson, yawjnaek beizyangj doenghboux vunzcaiz gaemdawz Vah- gun Sawgun nem vah saw minzcuz, hawj ganbu saujsu minzcuz daezsang gij naengzlig gaemdawz vah saw guekgya doengyungh, doenghboux ganbu Bouxgun youq dieg minzcuz guhhong wnggai hag nem gaemdawz vah saw saujsu minzcuz.

(Guekgya Minzveij Vangj)