●Geij ngoenz gonq, Nanzningz Si Cwngfuj baecinj daj 2014 nienz hainduj ok“cienzngaenz fazcanj saujsu minzcuz”70 fanh maenz, cien- monz yungh daeuj gensez gij hanghmoeg youqgaenj vwnzva saujsu minzcuz, neix baenz gih raeuz aen si daih’it ok gij cienzngaenz neix.

(Veiz Yenzfuz)

●Daj bineix daeuj, Bingz- goj Yen Daibingz Cin cungfaen yungh ndei gij cwngcwz ciengjbouj“it saeh it yaeng”, daengx cin saedhengz 58 aen hanghmoeg, gungh roengzngaenz 432.78 fanh maenz, hanghmoeg baugvat guh roensuijniz、gya- gvangq roen, vunz caeuq doih- duz gwnraemx daengj hangh- moeg hawj vunzlai souh’ik. Hanghmoeg cigsoh hawj 6.5 fanh vunz saujsu minzcuz souh’ik.

(Vuz Anhginh)

●Ciuq Lozcwngz Mulauj- cuz Swciyen Bozvuzgvanj gunghcoz yinzyenz naeuz, aen Mulaujcuz Bozvuzgvanj moq bi- gvaq 11 nyied 22 hauh cingqsik hai gvanj, mienxfeiq hawj vunzlai yawj, dangqnaj gaenq ciep hekyouz 3.5 fanh vunzbaez.

(Mungz Cwnghswh)

●Bi’gvaq 9 nyied co, Denzlinz Yen Bazgvei Yauzcuz Yangh Bazsiuh Cunh Mbanj- veiyez aen hanghmoeg vwnzyiz hozdung cungsim doenghhong, gungh roengzngaenz 30 fanh maenz, hanghmoeg youq 12 nyied co guh sat. Neix hawj 195 boux beixnuengx Yauzcuz ndaej miz gizdieg guh vwnzdij hozdung.

(Vangz Lizfungh)

●Daengz bi’gvaq 12 nyied daej, Ningzmingz Yen roengz 468 fanh maenz bangcoengh dajndaem byaek seizdoeng seiz- cou, gaenq dajndaem gij byaekgwn neix 23.27 fanh moux, hawj doenghboux nungzminz ndaem byaek ndaej laisou.

(Couh Yizgangh)