1、Haeujsim fuengz nit bauj raeuj. Aeu riengz dienheiq bienq- vaq bae dem daenj buhvaq, daenj haizmad na.

2、Boux baenz gvanhsinhbing aeu ciuqei canghyw daengq bae gwn yw, caemhcaiq dinghgeiz bae yihyen fukcaz.

3、Gohyoz gwnndoet. Gijgwn gwn byaekheu singjsien、bya、daeuzseng、gyaeq、nohcing guh- cawj, caemhcaiq bouj gwn di gijgwn aeu duh guh、gijgwn aeu cij guh he dem.

4、Habliengh guh yindung. Yindung ndaej coi lwed lae baedauq, caemh ndaej yawhfuengz baenz gvanhsinhbing.

Linghvaih, lij aeu haeujsim uk ok lwed、yawhfuengz ndok raek、baenz feiyenz daengj bingh dem.

Hezyaz sang gamhanh mbouj ndei dwg cujyau yenzyinh yinx- hwnj baenz uk ok lwed. Seizdoeng vunz baenz uk ok lwed gig lai. Doengzseiz, bouxlaux cingzsi gik- doengh、yunghrengz aengq haex、naetnaiq gvaqbouh、mbouj dingh- seiz gwn yw hix yungzheih baenz uk ok lwed. Danghnaeuz gaenq ok lwed lo, aeu sikhaek soengq bae yihyen ciengjgouq.

Bouxlaux aenvih deng laemx cauhbaenz ndok raek, gij yenzyinh ceiq ciengz raen couh dwg ndok soeng ndok honz. Ndigah, bouxlaux seizdoeng daenj buhvaq raeuj hoeng youh gaej daenj daiq ndaet, mienxndaej yingjyangj byaijroen, ceiq ndei dwg daenj haizbaengz. Mwh byaijroen seiz aeu yawj loh ndei, gaej mienh byaij mienh caeuq vunz gangjgoj, gaej bae giz roen raeuz roen gaeb youzbyaij, ngoenz doek fwn ngoenz doek nae gaej ok rog ranz bae youzcet.

Bouxlaux huhgizdau lauxvaq, mbangjgiz menjyiz goengnaengz doekdaemq, aenbwt yungzheih fatyiemz deng ganjyenj baenz feiyenz, ciengeiz gaej raegrwz.

Veizswnghsu E ndaej dem- giengz rengz dingj bingh、dingj nyieglaux, bouxcungnienz caeuq bouxlaux ndaej habdangq gwn di he.