Itbuen daeuj gangj, dangzrwi ndaej huz ndaw cangq mamx, maenzdoengzlingz ndaej coi giz biux naeuh hobndei, doiq dungx- saej biux naeuh miz bangcoh. Lajneix gaisau song aen dan iq daeuj vanjgaij dungx biux naeuh:

1、Aeu raemxngaeux boi iq ndeu, 5 gwz samcaet, aen gyaeq- gaeq ndip ndeu. Raemxngaeux dwk di raemxsaw ndeu cawj goenj, gya mba samcaet caeuq gyaeqgaeq gyaux yinz, dwk di gyu caeuq youzhom ndeu, ngoenz gwn 2 baez. Raemxngaeux ndaej bouj yaem, mba samcaet ndaej vued lwed, coi giz biux naeuh hobndei. Aen dan neix ndaej ciengx yaem ik dungx, hab boux yaem haw baenz dungxsaej biux naeuh gwn.

2、Aeu 30 daengz 60 gwz gohaizdaej, 60 daengz 90 gwz nohvaiz, faeg gohaizdaej soiq, nohvaiz ronq baenz gaiq le itheij cauj cug, dwk liuh diuz feih le gwn nohvaiz. Gohaizdaej ndaej hengz heiq vued lwed, nohvaiz ndaej bouj heiq, aen dan neix doiq dungx biux naeuh caeuq cibngeihcijcangz biux naeuh cungj miz yaugoj.

Aeu haeujsim dwg, boux baenz dungx biux naeuh wng geih gwn lwgmanh、coeng、suenq、laeuj; gaej lanh gwn lanh ndoet, gwn noix gwn lai donq; gaej gwn huqgyoet; noix gwn roxnaeuz mbouj gwn byaekgep、lwgmanh heu、haeux- yangz dumq, mienxndaej gyanaek aendungx fudanh; noix gwn haijsenh、nohyiengz.