Ranz gou youq Mbanj Sihnanz, gyaeujmbanj miz diuz dah iq ngutngeuj ndeu.

Seizcin, song henz dah gofaex mwncupcup, rumz ci daeuj, faex- liux lumj dahsien diuqfoux nei mbinfengfeng. Youq gwnz diegrum loegsausau hai miz gak cungj gak yiengh va’ndoi, miz saekhoengz、saekhenj、saekhau…… daj giz gyae muengh gvaqbae couh lumj fuk doz caijsaek ndeu, gyaeundei dangqmaz!

Seizhah, gyoengq lwgnyez mbanj dou, caeuq bouxlaux itheij daengz ndaw dah iq bae, lumj duzbya nei angq youzraemx, hoenx ciengq- raemx. Miz mbangj bouxlaux youq henz dah cwxcaih dwk epbya.

Seizcou, song henz dah mbawfaex cungj bienq henj lo, mbawfaex loenq roengz dah bae, mbawfaex youq gwnz dah menh- menh lae baenaj, seizneix dah iq couh lumj longz hwnj buh saekgim.

Seizdoeng, banngoenz ndit dak, gwnz dah fwi hwnj heiq haufwdfwd, lumj diegsien nei; banhaemh, gwnz dah giet caengz nae mbangmbi’mbi he, daj giz gyae muengh bae, couh lumj gaiq gingq he, youq laj ronghndwen ciuq hausagsag, wenj- myagmyag.

Diuz dah iq gyaeundei ranz- mbanj gou, hwnzngoenz lae mbouj dingz, hawj vunz ranzmbanj gou daiq daeuj vaiqvued、daiq daeuj hoenghhwdhwd.

（指导老师：罗丽娜）