Daxmeh gou miz doiq fwngz lingzgiuj ndeu, fwngz de yienznaeuz mbouj ndeiyawj, danhseih gou rox- nyinh fwngz daxmeh gou dwg gaiq fwngz gwnz seiqgyaiq ceiq raeujrub ndeu.

Geiq ndaej miz ngoenz ndeu, dienheiq nit raixcaix, gou cingq ninz youq ndaw congz, sawqmwh henz rwz cienz daeuj sing daxmeh saeg buh, gou ninz mbouj ndaek lo, couh hwnq congz, byaij ok rug daeuj, gou raen daxmeh cingq youq laj suijlungzdouz saeg buh, doiq fwngz de hoengzuu. Gou muengz dwk heuh:“Daxmeh, nit lai lo, mwngz sien yietnaiq yaep he ba!” Daxmeh naeuz:“Mbouj youq- gaenj, yaep he couh saeg liux lo.” Gangj sat, daxmeh youh laebdaeb saeg buh lo. Raen daengz doiq fwngz daxmeh deng raemxgyoet cimq dwk hoengzuu, gou gig sim’in.

Gaiqfwngz daxmeh gig naengz- ganq, mboujdanh aeu buh saeg ndaej seuqsaksak, vanzlij rox nyibbuh、san buhlaengj. Gou miz geu buhlaengj ndeu, gwnz buh san miz aencoh gou, neix couhdwg daxmeh seuj hwnjbae, gou gig gyaez geu buhlaengj haenx, ciengzciengz daenj de, gou roxnyinh raeujrub dangqmaz.

Daxmeh yungh doiq fwngz de ciengx gou hung, son gou baenzlawz guh vunz, gou yaek roengzrengz doegsaw, yungh cingzcik ndei daeuj bauqdap daxmeh .

(指导老师：罗 凤)