Aenvih seizdoeng mbwn hawqsauj, naengnoh raemx noix youz siuj nyaeuqnyet, caemhcaiq rox baenz dekleg dem. Ndigah, mehmbwk youq ndaw seizdoeng wng hableix diuzcez gwnndoet. Siengj hawj naengnoh unqnonh, ndaej senj gwn dangzrwi、naeng nohmou caeuq lwgraz ndaem sam yiengh doxgaiq.

Dangzrwi. Ndaw dangzrwi hamz miz gak cungj swnghvuz vuedsingq doxgaiq, ndaej gaijndei yingzyangj naengnoh, caemhcaiq ndaej mizyauq dwk vanjgaij naengnoh hawqsauj、noix raemx、noix youz, hawj naengnoh youq seizdoeng ciuqyiengh baujciz unqnonh ngaeuzwenj. Ndaw dangzrwi lij hamz miz sinh、diet、gai、meij、gyaz daengj lai cungj veizlieng yenzsu. Ndigah, mehmbwk ciengzseiz gwn dangzrwi, ndaej hawj naengnoh unqnonh ngaeuzwenj.

Naeng nohmou. Yienhdaih yenzgiu ndaej rox, ndaw naeng nohmou hamz miz daihliengh gyauhyenz danbwz caeuq danbwz ndongj ndaej veizciz gij goengnaengz naengnoh baujciz rom raemx, ciengz gwn naeng nohmou ndaej hawj ndang vunz lai sup haeuj danbwzciz, fuengz naengnoh noix raemx, baujhoh naengnoh danzsingq, yawhfuengz naengnoh soenglon caeuq bienq nyaeuq.

Lwgraz ndaem. Ndaw lwgraz ndaem hamz miz gvangh- anhsonh、veizswnghsu B、veizswnghsu E gig lai, ndaej hawj lauz laj naeng iemq ok lai, gaijndei naengnoh danzsingq, baujciz naengnoh saeqnaeh, doiceiz nyieglaux.