Lai gwn gijgwn ndat. Gijgwn ndat baugvat dansuij vahozvuz、youzlauz、danbwzciz, ndawde wng- gai lai bouj gwn gijgwn hamz youhciz danbwzciz lai haenx, lumj nohcing、nohbit nohgaeq、gyaeq- gaeq、bya、cijvaiz、gijgwn aeu duh daeuj guh.

Lai gwn gijgwn hamz dan- anhsonh caeuq vuzgihyenz lai haenx, hawj aenndang lai dingj ndaej nit. Lumj lwgraz、ceh godaengngoenz、yaumuj、gij huq aeu cij daeuj guh、byaekmbaw daengj. Linghvaih, yihyoz yenzgiu ndaej rox, ndang vunz lau nit dwg caeuq ndaw ndang vuzgihyenz noix mizgven. Ndigah, seizdoeng aeu lai gwn lauxbaeg nding、beghab、biekbya、ngaeux、byaekhau daengj. Lij aeu lai gwn di cijvaiz、gij huq aeu duh daeuj guh、byuk nyauh、haijdai、byaekbyoem、ciengq lwgraz daengj dem.

Lai gwn gijgwn hamz veiz- swnghsu B2、veizswnghsu A、veizswnghsu C he, fuengz gokbak nengz、naengbak nengz、linx nengz. Ndaw gijgwn aeu gibseiz bouj gwn di bwtdaep doihduz、gyaeqgaeq、cijvaiz、duh、lauxbaeg nding、namzgva、lwgmaenz ndaw nding、byaekheu singjsien caeuq lwgmak daengj.

Lai gwn di gijgwn raeuj、gijgwn ndat he, habdangq diuz- leix aenndang. Ndaej senj gwn haeuxsuen、haeuxyangz、megmienh、duhhenj、duhlanhdou、byaekgep、byaekhom、gosuenq、lauxbaeg、byaekvahenj、nohyiengz、nohma、nohcwz、nohgaeq、byalae、byaleix、byalienz、byadaiyiz、nyauh、mak- gam、makyehswj、makbohloz、mak- laehcei、noh maknganx daengj. Bouxlaux ndang haw ndaej ciengz- seiz aeuq gwn gaeqmeh、nohcing、nyinzdaez he, hix ndaej ciengz gwn di cijvaiz、gienghduh daengj dem, aeu daeuj demgiengz rengz ndang.