Seizdoeng daeuj daengz lo, vunzraeuz ndaej daj baihlaj seiq aen fuengmienh bae gwn bouj. Couhdwg bouj heiq、bouj lwed、bouj yaem、bouj yiengz.

Gijgwn bouj heiq dwg vix gijgwn miz ik heiq cangq mamx、ik heiq haw haenx, lumj haeuxsan、haeuxcid、duhdoem、maenzcienz、lauxbaeg nding、iengduh、nohgaeq daengj.

Gijgwn bouj lwed dwg vix gijgwn ndaej bouj lwedhaw haenx, lumj bwtdaep doihduz、noh maknganx、raetmoegngaex ndaem、byaekbohcai、lauxbaeg nding、nohmou、haijsinh、bya daengj.

Gijgwn bouj yaem dwg vix gijgwn ndaej nyinhciengx raemx- yaem、seng raemx nyinh sauj、ndaej bouj yaemhaw haenx, lumj raetngaenz、raetmoegngaex、mak- leiz、cijvaiz、gyaeqgaeq、makit、byaekhau daengj.

Gijgwn bouj yiengz dwg vix gijgwn ndaej bouj yiengz haenx, lumj nohma、nohyiengz、duzgungq duznyauh daengj, ngveih makhwz- dauz、byaekgep、ceh gaeujgij、byalae daengj caemh ndaej bouj yiengz.

Linghvaih, makhwzdauz、mak- laeq cungj hamz miz daihliengh gvangvuzciz、nyinzsei daengj yingz- yangj doxgaiq, seizdoeng hix hab gwn daeuj bouj ndang. Yihyoz conhgyah daezsingj naeuz, seiz- doeng gwn bouj yienznaeuz ndei, danhseih mbouj ndaej laepda bae luenh bouj. Ceiqndei cingj canghyw bang duenq dwg gijmaz haw, dwg mbouj dwg wnggai gwn bouj. Linghvaih, aeu loengh cingcuj mwh gwn bouj miz maz gimqgeih. Aeu dang nohgaeq daeuj gangj, yienz- naeuz yingzyangj gyaciz sang, danhseih mbouj dwg vunzvunz cungj gwn ndaej.