Seizdoeng mbwn nityuyu, bouxvunz gig yungzheih deng nit gig baenz dwgliengz、ndaeng haenz daengj binghlah.

Lajneix gaisau haj aen banhfap daeuj dingj nit fuengz bingh:

1、Ciengz gwn raemxgoenj. Seiz- doeng mbwn hawqsauj, ndang vunz gig yungzheih siuj raemx, ciengz gwn raemxgoenj, mboujdanh ndaej baujcwng aenndang miz raemx, lij ndaej leih nyouh baiz doeg、baiz huqfeiq ok rog ndang daeuj.

2、Ciengz gwn dang hing mak- cauj. Aeu 10 aen makcauj hung、5 gep hingndip baek raemx, moix haemh gwn baez ndeu, ndang vunz lai dingj ndaej nit, vunz hix siuj baenz dwgliengz caeuq baenz cungj bingh wnq.

3、Genhciz yungh raemxgyoet swiq naj. Yungh raemxgyoet swiq naj ndaej hawj aenndang vunz dingj ndaej nit youh dingj ndaej bingh, caemh ndaej yawhfuengz siengfung、dwgliengz.

4、Gyaeuj congz ciengz cuengq makgam caeuq bozhozyouz. Makgam singq raeuj, gij heiq makgam ndaej giepcawz binghdoeg. Youq gyaeuj congz baij makgam, ndaej yawhfuengz saihoz baenzbingh; yaek ninz seiz gwn geij dip makgam, ndaej vaq myaiz dingz ae. Youq gyaeuj congz giz henz gyaeujswiz cuengq bingz bozhozyouz fasaek laeuh heiq ndeu, ndaej hawj heiq bozhozyouz menhmenh sanqfat, yw gyaeuj in caeuq ndaeng saek.

5、Gyaeuj demh swizvagut mbawgosangh ninz. Mbawgosangh seiz- doeng caeuq vagut seizcou ndaej raeh da singj uk. Aeu daeuj guh gyaeujswiz demh ninz, ndaej hawj ukgyaeuj singjsaeh ninz ndaek vaiq, hix ndaej fuengzceih dwgliengz.