●Geij ngoenz gonq, daihseiq buek guekgya gaep feihvuzciz vwnzva yizcanj daibyaujsing hanghmoeg mingzloeg nem gya- gvangq hanghmoeg mingzloeg cingqsik gunghbu, gih raeuz gungh miz 12 hangh ndaej senj haeuj bae, ndawde baugvat Sam Nyied Sam Bouxcuengh Vujmingz、goj Buhbwnroeg Bouxcuengh Hwngz- yen nem Nanzningz Yezgi daengj.

(Nungz Dungh)

●12 nyied 15 hauh, Cungz- coj Si 2014 nienz saujsu minzcuz ganbu beizyinbanh youq ndaw si neix siveij dangjyau haiban. Baez beizyin neix cujyau beizyin ndaw si、yienh(si、gih) gak danhvei nem ndaw yanghcin(gai) doenghboux gohgiz saujsu minzcuz ganbu caeuq doenghboux lingjdauj gak yienh(si、gih). Baez beizyin neix daj 12 nyied 15 hauh daengz 24 hauh.

(Lungz Yenyingh)

●12 nyied 17 hauh, Cingh- siugih gawjbanh Nanzningz Si minzcuz doxgiet cinbu cauxguh liebcunz senhconz lwnhgangj hozdung, ndaw gih neix doengh- boux lingjdauj gak cin、gai、Senhhuz Ginghci Gaihfazgih、gak bumwnz, doenghboux lingjdauj ndaw minzcuz doxgiet sifancunh、segih、yozyau daengj gungh 60 lai vunz camgya baez hozdung neix.

(Luz Genhing)

●12 nyied 16 hauh daengz 18 hauh, Denzlinz Yen gawjbanh vwnzyi guzgan beizyinbanh, gungh banh song ngoenz, aen yienh neix doenghboux vwnzyi guzgan ndaw vwnzyi hidungj gungh 99 boux camgya beizyin.

(fouzmingz)

●Yungzanh Yen Cangzanh Cin Hozcai Cunh Mbanjsuzmuj bouxcoz Vangz Sinliengz bi’gvaq seizcin hainduj youq ranz gag cauxnieb, dajndaem haeuxyangz nem haeuxgwn daengj, bineix ranz de ndaem 10 moux haeuxyangz ndaej fungsou, soundaej haeuxyangz 2500 lai goenggaen, cungjsouhaeuj 6 fanh maenz, cinghsouhaeuj 4 fanh lai maenz.

(Veiz Cujswz Cinz Li)