Bonjbauq siusik(gicej Yangz Lanzgvei/杨兰桂 sij Vangz Sinh- yungz/黄新荣 ingj) 12 nyied 18 hauh, aen hoih 2013~2014 nienzdoh Gvangjsih Saujsu Minzcuz Yijvwnz Yozvei nenzvei nem yozsuz yenz- daujvei youq Denzdungh Yen ciuhai. Doenghboux lijsw aen yozvei neix、doenghboux minzyij bumwnz veiyenz daibyauj gak si nem yienh(si、gih)、doenghboux veiyenz daibyauj Swcigih Minzyijveij nem doenghboux sij lunvwnz daengj gungh 120 vunz camgya.

Gvangjsih Saujsu Minzcuz Yij- vwnz Yozvei veicangj、Swcigih Minzyijveij fucujyin Yangz Gijbyauh youq gwnz hoih guh gunghcoz baugau. Gij baugau de dauqyawj nem cungjgez ndaw nienzdoh aen yozvei neix guh yozsuz hozdung nem cingzcik, anbaiz le hong 2015 nienz. 2013~2014 nienzdoh, aen yozvei neix cujyau guh le yozsuz yenzdauj nem doxgyau、haeujlaeg diuyenz gih raeuz gij cingzgvang vah saw saujsu minzcuz wngqyungh、guh hong ndawbiengz wngqyungh vah saw saujsu minzcuz、cizgiz guh hong Swcigih Minzyijveij Minzcuz Yijvwnz Gunghcoz Conhgyah Camcaz Veijyenzvei、bangcoengh banh gak loih beizyinbanh daengj.

Baez hoih neix guh le gij hozdung yenzgiu damqra nem doxgyau gij hong nem saeh vah saw minzcuz, gyoengq veiyenz daibyauj doxcanj hwnj daiz bae gangj. Ndawde, doiq baenzlawz fanhoiz mingzdieg Vah- cuengh、saw gwnz baiz gihgvanh nem danhvei, gyoengq veiyenz daujlun gig haenq.

Baez hoih neix soundaej 32 bien lunvwnz. Gij lunvwnz neix gangjlwnh vwndiz gvendaengz hong vah saw saujsu minzcuz gih raeuz, naemjfap daegbied, yawjfap moqsemq, neix doiq gih raeuz guh hong vah saw minzcuz miz yungh lai.

Denzdungh Yen Yinzminz Cwngfuj fuyencangj Yez Beiz daengz gwnz hoih gangjvah.