12 nyied 17 hauh banhaet, Liujcouh Si youq Liujcouh Si Liujyungh Daihsam Siujyoz guh yizsi haidaeuz banh aen hozdung gvaq aen singhgiz daejniemh saujsu conzdungj dijyuz. Gyoengq hagseng ndaw yozyau neix daenj ndangdaenj minzcuz moq, angq diuq fouxfaex- saux, daejniemh saujsu minzcuz conzdungj dijyuz, gamjsouh saujsu minzcuz vwnzva.

Aen hozdung neix dwg hangh cosih moq Liujcouh Si aeu daeuj baijok vwnzva minzcuz. Baez hozdung neix daj 12 nyied 17 hauh daengz 25 hauh, aeu yozyau guh giz sawqniemh, gonqlaeng youq Liujyungh Daihsam Siujyoz、Liujcouh Sawcuengh Yozyau Fusuz Siujyoz、Liujcouh Saedniemh Gauhcungh、Liujcouh Si Daihbet Cunghyoz、Liujcouh Si Minzcuz Gauhcungh nem Liujcouh Si Daihcibhaj Cunghyoz gawjbanh gij hozdung neix, aeu neix daeuj doidoengh saujsu minzcuz conzdungj dijyuz ndaej swnjcienz fazcanj.

(Yenz Cinzyinh/颜纯欣)