●Geij ngoenz gonq, gih raeuz gunghbu daihhaj buek swcigih gaep feihvuzciz vwnzva yizcanj daihbyauj hanghmoeg mingzloeg, gungh 133 hangh, ndawde, Nanzningz Si 34 hangh ndaej haeuj mingzloeg, youq daengx gih baiz daih’it.

(Veiz Yenzfuz)

●Gaenh bi daeuj, Gungh- cwngz Yauzcuz Swciyen gig yawjnaek son nungzminz hag gisuz, doenggvaq gisuz beiz- yinbanh baenzfouq. Ciuq gyoep- suenq mbouj liux, bineix aen yienh neix nungzyez、gungh- sangh、gohgi daengj bumwnz caeuq gak yanghcin beizyin nungzminz 4 fanh lai vunz- baez.

(Couh Binjsiuh)

●Bineix, Liujcwngz Yen doenggvaq gaijbienq canjyez gezgou, dajndaem makgamdangz 26 fanh moux, canjlieng mauhgvaq 35 fanh dun, canjciz mauhgvaq 10 ik maenz. Mak- gamdangz canjyez daiqdoengh lijyouz、gyagoeng、baucang daengj canjyez fazcanj, neix hawj nungzminz dangdieg ndaej laisou haemq lai.

(Danz Gaijhingh)

●Daj bineix daeuj, Duh- anh Yauzcuz Swciyen Disuh Cin youq daengx cin haeujlaeg gaihcanj“soengq heiq roengz mbanj”hozdung, soengq vwnzva hawj vunz saujsu minzcuz dangdieg. Daengz dangqnaj, aen cin neix gungh soengq heiq roengz mbanj 12 ciengzbaez, bouxyawj 1.5 fanh vunz, aen hozdung neix hawj vunzlai souh’ik.

(Veiz Ganliuz)

●Bineix, Lozcwngz Mulaujcuz Swciyen lijyouzyez fazcanj gig vaiq. 1 daengz 9 nyied, daengx yienh ciep hekyouz 49.62 fanh vunz, doengzbeij gyalai 20.16%, lijyouz cungjsouhaeuj 4.68 ik maenz, doengzbeij gyalai 23.47%.

(Veiz Yizdai)