Denhdwngj: Gij Gisuz Niemh Namh Boiqfueng Coengh

Nungzminz Saujsu Minzcuz Laisou 4000 Lai Fanh Maenz

Daj bineix daeuj, Denhdwngj Yen haenqrengz doihengz gij gisuz niemh namh boiq bwnh, hawj nungzminz saujsu minzcuz dangdieg ndaej laisou. Dangqnaj, aen yienh neix doihengz gij gisuz neix le hawj nungzminz saujsu minzcuz dangdieg laisou 4000 lai fanh maenz.

Daj bineix daeuj, Denhdwngj Yen gungh laeb gak loih sifandenj (gizsifan) 55 aen, fat gij mbawgaj gangj baenzlawz dwkbwnh de 3 fanh lai faenh, gij gaj neix fat daengz 95% ranzvunz, gij dieg saedhengz niemh namh boiq bwnh de miz 70.02 fanh moux. Ginggvaq haenq- rengz saedhengz baengh gohgi ndaem naz, hawj naz moix moux lai sou 32 goenggaen, haeuxyangz moix moux lai sou 29 goenggaen, manh- daengjmbwn moix moux lai sou 52.2 goenggaen; bingzyaenz moix moux noix yungh bwnh(vafeiz) 1.9 goeng- gaen, gyoepsuenq gemjnoix vafeiz 133 fanh goenggaen, bingzyaenz moix moux lai sou 58 maenz, gyoepsuenq laisou 4061.16 fanh maenz.

(Vangz Lilanz/黄丽兰 Lij Swj- byau/李子漂)