Nyeznomj lwgliengz: Hing- ndip 5 cienz, buenq vanj raemx baek goenj heuz dangznding gwn, ngoenz 2 baez, gwn 2 ngoenz couh ndei.

Ae nanz mbouj ndei caeuq nyeznomj ae’ngab: Aen gyaeuj- suenq ndeu, bok naeng daem yungz gya 3 cienz begdangz, gvaq buenq diemj cung le aeu liengx raemxgoenj ndeu heuz gwn, lienz gwn 2 ngoenz, yw lwgnyez baenzae、nyeznomj ae’ngab miz daegbied yaugoj.

Lwgnyez nyouh dwk congz: Coengbieg ndip dug ndeu daem yungz, haemhnaengz yaek ninz seiz baeng sawjndw, yungh baengz suek ndei, haetlaeng sik bae, lienz yungh 3 daengz 5 ngoenz couh ndei.

Lwgnyez gyanghwnz daej: Vunzhung aeu gaem cazloeg iq ndeu dwk bak nyaij, haemhnaengz yaek ninz seiz baeng sawjndw lwgnyez, aeu baengz suek ndei, haetlaeng sik bae, lienz yungh 3 ngoenz.

Nyeziq nyeznomj siq- dungx、dungx ciengq: Aen gyaeujsuenq ndeu, lienz naeng coemh remj, caiq dwk rek gya buenq vanj raemx coemh goenj, dwk di begdangz ndeu gwn dang, ngoenz baez. Itbuen song sam ngoenz couh ndei.

Ok hanhheu: Daeuhfouh geq buenq gaen, ronq baenz benq nem ndaw rek cien baenz loq ndaem, dwk vanj raemx ndeu caeuq di begdangz he, haemh- naengz yaek ninz seiz gwn dang caeuq daeuhfouh, gwn 3 ngoenz ndeidingh.

Gyoenq deh: Ceh namzgva ndip 20 naed, bok gvamq bae, yaek gwn haeux gaxgonq dungx byouq gwn, baez dog gwn liux, haet daihngeih deh couh riengz haex baiz okdaeuj.