Seizdoeng lai gwn cuk, ndaej bouj raemx hawj aenndang, cuk raeuj cuk ndat ndaej raeuj dungx raeuj sim, hawj aenndang raeujrub cwxcaih.

Yenzliuh: 150 gwz haeuxsuen, 20 gwz lwgraz ndaem, 25 gwz makcauj sauj, 30 gwz begdangz.

Guhfap:

1、Feiznumq cauj lwgraz hom, yungh beuzgeng loq ngenz de mienz di.

2、Daezgonq cimq haeuxsuen buenq diemj cung le vez hwnj ndik raemx hawq.

3、Makcauj cawz ngveih caeuq haeux- suen itheij cawj cuk, goenj le gaij yungh feiznumq menhmenh ngauzcawj.

4、Cuk gwd le dwk lwgraz roengz caemhcaiq ngauzcawj 5 faen cung, gya begdangz diuzfeih gwn.

Lwgraz ndaem ndaej bouj daep mak、nyinh bwtdaep、ik cinglwed、nyinh saej, deng vunz haenh de dwg gij huq nyinhbouj ndei. Seizdoeng cie ciengz gwn lwgraz ndaem, ndaej ciengx heiq raeuj dungx, caemh ndaej nyinh naengnoh.