Geij ngoenz gonq,《Bonj Saw Yinx Caz Gij Saw Nem Faenzcieng Yenzgiu Vahcuengh Sawcuengh》youz Gvangjsih Minzcuz Cuzbanjse okbanj fathengz lo. Bonj saw neix youz Gvangjsih Sawcuengh Yozyau Duz- suhgvanj gvanjcangj Lanz Mingzswngh sienseng sij, dwg gij yenzgiu cwngzgoj gvendaengz Swcigih Minzveij 2013 nienz diuyenz godiz, aen godiz neix youz de gag guh. Bonj saw neix dwg bonj saw hongdawz hawj vunzlai caz gij saw nem faenzcieng yenzgiu Vahcuengh Sawcuengh, gungh miz 86 fanh cih. Bonj saw neix soucomz le gyawj bak bi daeuj gij yenzgiu cwngzgoj gvendaengz Vahcuengh Sawcuengh, baugvat gij lunvwnz、baudauj roxnaeuz saw cienmonz yenzgiu、saw comz lunvwnz daengj youz boux guh hong sonhag Vahcuengh Sawcuengh、boux yenzgiu Vahcuengh Sawcuengh、boux guenjleix hong Vahcuengh Sawcuengh sij (2012 nienz 12 nyied 31 hauh gaxgonq), gungh miz 2238 bien(bonj).

(Vangz Yizyungj/黄日勇)