●Daj bineix daeuj, Sanhgyangh Dungcuz Swciyen cienzmienh gvancez lozsiz cwngcwz boujdiep cawx gih- gai, hawj nungzminz souh’ik. Daengz dangqnaj, aen cwng- cwz neix gungh lozsiz cienz- ngaenz boujdiep 161 fanh maenz, boujdiep 1412 gya (aen) gihgai, 1408 hoh nungzminz souh’ik.

(Yangz Mingz Gungh Bujgangh)

●2014 nienz, Liujcwngz Yen 26 fanh moux mak- gamdangz canjlieng guj miz 35 fanh dun, beij bi’gvaq lai sou 10 fanh dun, canjciz mauhgvaq 10 ik maenz. Youq Liujcwngz Yen, makgamdangz gaenq baenz aen canjyez daeuz ndeu, haujlai nungz- minz dajndaem makgamdangz baenzfouq.

(Dwng Gwzyiz)

●Bineix, Yungzsuij Myauzcuz Swciyen gyarengz guh nem coih ranzyiemj, daengx yienh gaij sat ranz- yiemj lajmbanj 3428 hoh, gungh roengzngaenz 5760 lai fanh maenz.

(Liu Swjyenh)

●Bineix, Lingzyinz Yen Ya’gyaz Yangh Bingzvaiz Cunh miz 7000 lai moux suen gosangh, doenghgij ranzvunz ciengx nonsei de moix boux souhaeuj 7000 maenz dox- hwnj, ndaem gosangh ciengx nonsei gaenq baenz dangdieg hangh souhaeuj daeuz ndeu.

(Siuh Fazlingz)

●Daj bineix daeuj, Cauhbingz Yen cienzmienh guh lijyouz gihcuj sezsih, gyalai roengz ngaenz guh lijyouz, caenh’itbouh dazyinx hekyouz. Daengz 9 nyied daej, 19 aen cungdenj lijyouz hanghmoeg gungh roengz sat 4.18 ik maenz, ciemq daengx bi giva 69.69%.

(Liuz Feih Loz Ciyungj)