Saw-

cuengh Daengx Gih Youq Duh’anh Haibanh

12 nyied 1 daengz 5 hauh, 2014 nienz aen ban daezsang gij yezvu fanhoiz sawcuengh daengx gih youq Duh’anh gawjbanh. Baez beizyin neix youz Swcigih Minzyijveij cawjbanh、Duh’anh Yauzcuz Swciyen Minzyijgiz coenghbanh. Swcigih Minzyijveij dangjcuj cwngzyenz、fucujyin Yangz Gijbyauh camgya aen yizsi haiban caemhcaiq gangjvah. Daengx gih minzyijveij hidungj caeuq gij hangznieb mizgven de gungh miz 30 boux guh hong fanhoiz Vahcuengh Sawcuengh camgya baez beizyin neix.

Baez beizyin neix aeu song cungj fuengsik daeuj guh, lauxhangz hwnj- dangz son’gyauq nem gyoengq yozyenz doxgyau. Youq guh beizyin seizde, Gvangjsih Minzcuz Dayoz bozswswngh daujswh Mungz Yenzyau gyausou nem Cunghgoz Minzcuz Yijvwnz Fanhyizgiz Sawcuenghsiz Liuz Yizdangz yizsinj faenbied gangj《Baenzlawz Guh Ndei Fanhoiz Vahcuengh》nem《Gij Lijlun Nem Hengzguh Gun Hoiz Cuengh》. Gyoengq yozyenz sijsaeq dwk doxgyau le gij sawloih、 coenzdinj nem coenzvah hoj hoiz de, caemhcaiq doxyaeng baenzlawz hoiz cij ndei. Song cungj fuengsik neix doxgap, gyoengq yozyenz hag ndaej lai, hag ndaej ndei.

Hozciz Si Minzyijveij cujyin Maj Civaz、 Duh’anh Yauzcuz Swciyen fuyencangj Liuz Cinhyij faenbied youq gwnz haiban yizsi gangjvah.

(Vangz Cenzhih/黄泉熙)