Lwnh aen gojgaeq caensaed ndeu， gojgaeq fatseng youq ndaw hagdangz siujyoz.

Youq gwnz dangz mwh lauxsae cam vwndiz seiz, miz boux doengzhag he baeznaengz cungj yaengx fwngz, hoeng lauxsae heuh de ndwn hwnjdaeuj seiz de cix mbouj rox baenzlawz dap, gyoengq doengzhag cungj riu de.

Roengzdangz le lauxsae ra de, cam de vihmaz baenzneix guh, de naeuz danghnaeuz lauxsae cam vwndiz seiz swhgeij mbouj yaengx fwngz, gyoengq doengzhag roengz- dangz le couh heuh de bouxhuk. Vihneix, lauxsae couh caeuq de doxyaeng ndei, baezlaeng mwh de rox hoizdap seiz couh yaengx fwngzswix, mbouj rox seiz couh yaengx fwngzgvaz. Gvaqlaeng, boux doengzhag neix yaengx fwngzswix ngoenz beij ngoenz lai, hoizdap vwndiz hix ngoenz beij ngoenz ndei, boux hagseng yienzbonj cungj ngaiz doengzhag riunyaen neix bienqbaenz boux hagseng cingzcik ndei ndeu lo.

Aen goj neix lwnh hawj raeuz, aeueiq boux lwgnyez ndeu beij son hawj de cihsiz engq naekgywg. (Sugij hoiz)