Miz dahsau ndangndeu he ngamq buen ranz, de fatyienh henznden youq ranz gungzhoj he: Yahmaiq he daiq song boux lwg.

Haemh he, gizdieg dahsau youq haenx sawqmwh dingz dienh, de caenhndei youq ndaw ranz diemj lab ciuq rongh. Gvaq yaep he, de dingqnyi miz vunz bongx dou.

Laxlawz dwg dahniq ranznden, caenhraen de gaenjcieng dwk cam: “Mehnax, ranz mwngz miz lab lwi?”Dahsau sim naemj:“Nanzdauh ranz de lienz lab cungj mbouj miz ngaenz cawx? Ciengeiz gaej ciq hawj gyoengqde, mboujnex ngoenzlaeng ngaiz nem dawz couh baih lo!”

Baenzneix, dahsau ndangndeu gig mbouj hekheiq dwk coh dahniq rongx naeuz:“Mbouj miz!”Mwh de yaek haep dou seiz, dahniq gungzhoj haenx riunyumnyum dwk naeuz:“Gou couh rox ranz mwngz itdingh mbouj miz!”Gangj sat, couh daj ndaw rungj dawzok song diuz lab, naeuz:“Daxmeh caeuq gou lau mwngz boux ndeu gag youq youh mbouj miz lab, ndigah gou soengq song diuz lab hawj mwngz.”

Seizneix dahsau nyinhnaeuz swhgeij siengj loek lo, de gikdoengh dwg raemxda cungj lae okdaeuj. De got dahniq daengz ndaw rungj, aen sim de hix sawqmwh bienq ronghsag lo.

Mwh mwngz caij dawz dujva he, gij rang dujva couh nem dawz gij din mwngz!

(Sugij hoiz)