Miz boux lwgnyezsai he ngoenznaengz fat beizheiq, vihneix daxboh de couh hawj de daeh ding ndeu, caemhcaiq naeuz de, baeznaengz de fat beizheiq seiz couh youq gwnz led laeng ranz ding diuz ding he.

Ngoenz daih’it, daeg neix ding le 37 diuz ding, gvaqlaeng de ding ding ngoenz beij ngoenz noix. Aenvih de fatyienh fat beizheiq yungzheih ding ding nanz!

Doeklaeng miz ngoenz he daeg haenx mboujcaiq luenh fat beizheiq lo, de dawz gienh saeh neix lwnh hawj daxboh nyi, daxboh de youh naeuz de, daj seizneix hainduj mwh mwngz dingj ndaej mbouj fat beizheiq seiz, mwngz couh yut diuz ding he okdaeuj.

Ngoenz gvaq ngoenz, doeklaeng lwgsai naeuz hawj daxboh de, gij ding de ding youq gwnz led haenx cungj yut liux lo.

Daxboh rag fwngz de daeuj daengz laeng ranz naeuz:“Mwngz guh ndaej gig ndei, lwg ndei gou. Hoeng mwngz yawjyawj gij congh gwnz led, gyoengqde ciengx- lwenx cungj mbouj ndaej hoizfuk gij yienghsiengq lumj gaxgonq nei lo. Gij vah mwngz heiqndat seiz gangj haenx hix lumj gij ding neix hawj bouxwnq louz roengz biujsieng.”

Fat beizheiq gaijgez mbouj ndaej saek yiengh saeh, lij sawj bouxwnq deng sieng dem, vihneix, caeuq vunz doxndei doxyouq gig youqgaenj.

(Sugij hoiz)