“Ndeidingq raixcaix, caiq ciengq souj ndeu, caiq ciengq souj ndeu……”, 11 nyied 17 hauh banhaemh, Liujcwngz Yen Gungh’anhgiz gyaudaujyenz Veiz Mau hwnj daizheiq seizde, vunzlai laj daiz cungj lumj“boux gyaezmaij mingzsingh”, bouxboux cungj gyaez- maij boux gingjcaz neix. Veiz Mau ndaej vunzbiengz heuhguh“bouxminzgingj ciengqgo mizmingz Mbanjcuengh”. Haemhde de hwnj aen daizheiq hung heuhguh“vunzlai anh- cenzganj(gamjdaengz ancienz) vwnzyi roengz mbanj liebcunz yienjok”.

Haemhde 20 diemj, Liujgyangh Yen Cwngzdonz Cin Cwngzdonz Cunh Mbanjginhleij aen daizheiq daengraiz ronghrangq luemjmbab, Veiz Mau youq gwnz daiz fwngz dwk gizdah bak ciengq《Go Vahcuengh Gimqdoeg》(gag bien). Gij vah ndaw go gig mizyinx, dauhleix ngaihrox、cezcou daegbied, 1000 lai bouxyawj dingq le riu gyuksoz, bek- fwngz bobbob. Ciengq souj ndeu liux le, bouxyawj laj daiz soh hemh naeuz gvaqyinx raixcaix, couh haenqrengz heuh Veiz Mau caiq ciengq souj ndeu dem.

Ciengq liux le, Veiz Mau youh caiq aeu Vahcuengh doiq vunzlai gangj gij gijmaz dwg famhcoih gungjbu. Veiz Mau aeu Vahcuengh dangdieg depgyawj simvunz de daeuj senhconz gij cihsiz dingjdoiq gungjbu, vunzlai dingq ndaej gig haeujsim. (Cinz Fulinz/秦付林 Dangz Cauhbingz/唐昭平)