●11 nyied 17 hauh, Fungsanh Yen Gyanghcouh Yauzcuz Yangh gawjhengz daihhoih angqhoh laeb yienh 30 hopbi. Aen yangh neix gungh 11871 vunz, ndawde vunz Yauzcuz 4332 boux, ciemq cungjsoq 36.5%. Bi’gvaq, daengx yangh nungzminz bingz- yaenz moix boux cingh- souhaeuj daj 2004 nienz 965 maenz gya daengz 3008 maenz, gyalai 312%.

(Veiz Lizbyauh)

●Bineix 10 nyied, Duh’anh Yauzcuz Swciyen Gozsuigiz gungh soundaej ngaenz sui 2294 fanh maenz, doengzbeij laisou 1104 fanh maenz, gyalai 92.77%, daih’it baez ndwen dog mauhgvaq 2000 fanh.

(Veiz Yajyungz)

●Bineix, Denhdwngj Yen haenqrengz guh ndei hong guh dangjan、mbawgaj nem loeghaeuj siusik gvendaengz lajmbanj fuz- binz haifat. Daengz 10 nyied daej, aen yienh neix gaenq dingh doenghgij ranzgungz- hoj 30691 ranz 113884 vunz, ciemq gij gveihmoz wnggai dingh de 100%; loeghaeuj siusik 19453 ranz, ciemq doenghgij wng- gai loeghaeuj de 62.37%.

(Vangz Lilanz)

●Bineix, Lungzswng Gak Cuz Swciyen doeng- gvaq dazyinx vuzlai laeb haeuxyenhcih dajndaem hozcozse, dajndaem 7000 lai moux, caemhcaiq saed- yienh haeuxyenhcih daj- ndaem canjyezva、binjbaiz- va、dingdanhva, neix ndaej bouxseng’eiq dieg wnq maij.

(Siz Nungzbingh)

●Bineix nienzco, Dava Yauzcuz Swciyen Dava Cin Cinhhingh Cunh yinx vunz rog daeuj ndaw cunh aeu bungzhung ndaem hahmizgvah. Dangqnaj daengx yienh gaenq guh baenz nem cingq hwnj bungzhung 20 aen, menciz 8 moux, ndawde gaenq ndaem 6 aen bungz, menciz 2.4 moux.

(Cinz Gingbungz)