Feigezhwz. Seizcou ok rog hozdung lai, yungzheih lah baenz feigezhwz. Ndigah, baez okyienh miz naj nding、loq fatndat、rengz naiq、ok hanhheu、baenz ae、myaiz lai seiz, couh aeu singjsaeh cij ndaej. Caenhliengh noix bae giz vunz lai guhcaemz, ndaw ranz aeu doeng rumz ndei. Baez raen vunz ndaw ranz baenz feigezhwz hix gaej vueng lai, gij doxgaiq ngoenz yungh de aeu dawz bae laj ndithaenq dak 5 faen cung doxhwnj, myaiz de ceij suek ndei hai feiz coemh bae.

Dwgliengz. Seizcou mbwn liengz, bouxvunz yungzheih dwgliengz, aeu riengz dienheiq bienqvaq gyagemj buhvaq, lai ok rog ranz bae hozdung, ndaw ranz aeu doeng rumz ndei, lai gwn raemxgoenj caeuq lwg- mak, ciengz yungh raemxgyoet swiq naj swiq ndaeng.

Hozgyawh fatyiemz. Seizcou dienheiq bienqvaq daih, gominj doxgaiq ndaw hoengheiq lai, yungzheih yaeuhfat baenz hozgyawh fat- yiemz. Ndigah, aeu ciengz- seiz baujciz cingzsi ndei, gaijndei vanzging ndaw ranz, baujciz hoengheiq ndaw rug riuzdoeng ndei.

Feiyenz. Aenvih dien- heiq hawqsauj, aenbwt ceiq yungzheih deng haih. Aeu cizgiz lienhndang, demgiengz goengnaengz aenbwt, noix gwn gijgwn manhget, lai gwn makleiz caeuq lauxbaeg, yawhfuengz baenz feiyenz.

Hoh in. Boux baenz hohdaez in haenx, wng gwn laeujgyaeqgaeq moeggva daeuj giep fung doeng meg、vaq caep dingz in. Linghvaih, aeu haeujsim fuengz nit baujraeuj, daegbied dwg ok hanh le gaej cigciep yungh raemxgyoet daeuj caemxndang.

Naengnoh ganjyenj. Seizcou, vunz deng nyungz haeb le yungzheih hwnjnwnj humzhaenz, gaeu lai couh ganjyenj ok nong. Ndigah, deng nyungz haeb le gaej yungh fwngz bae gaeu, wng aeu funghyouzcingh roxnaeuz cinghliengzyouz daeuj led gizde.