(ciep geizgonq)

35

Guhmaiq daengz banneix 守寡到眼下

Gag aeuqheiq youh daej 怄气把泪洒

Vih ciuhneix Ranzmungz 这辈为蒙家

Siengsim lai ha mbwn 伤心多天哪

Lingh hwnj roen bae haq 再改嫁出去

Vaihnaj daengz seiqlaeng 丑脸后世骂

Doengxngoenz mbouj maenz bae 白天不敢走

Dah goj gyaez cix dwg 儿爱妈就好

Cij suenq lwg hauqceij 才算仔孝妈

Guhmaiq daengz banneix 守寡到眼下

Gag aeuqheiq youh daej 怄气把泪洒

Vih ciuhneix Ranzmungz 这辈为蒙家

Daengq ciuhlwg ciuhlan 嘱子孙后代

Lwnh doengzban doengzsauh 告诉同辈娃

Geq cix dauq haq vunz 老年又嫁人

Siengsim lai ha mbwn 伤心多天哪

Lingh hwnj roen bae haq 再改嫁出去

Vaihnaj daengz seiqlaeng 丑脸后世骂

36

Gou baenzciuh mbouj lumz 我一辈不忘

Vah coenz haemz coenz get 痛苦记心上

Sim mbouj mied cix ngeix 心不死又想

Vih diuzmingh mbouj ndei 为命不吉祥

Rox geijseiz miz fuk 何时有福气

Ndaej vunz fugsaeh gou 有人来侍养

Langh gou sim mbouj bingz 若我不公平

Dai gyangroen daihloh 死在大路上

Ra vunz gouq mbouj fungz 求救没人来

Gou baenzciuh mbouj lumz 我一辈不忘

Vah coenz haemz coenz get 痛苦记心上

Sim mbouj mied cix ngeix 心不死又想

Gou ndaej seiqcib geij 我四十多岁

Youh lingh bae haq vunz 又再嫁一场

Gou ienq mbwn ienq deih 我怨天怨地

Vih diuzmingh mbouj ndei 为命不吉祥

Rox geijseiz miz fuk 何时有福气

Ndaej vunz fugsaeh gou 有人来侍养

37

Aeu mbouj aeu dauhleix 讲不讲道理

Sou guh beix goj raen 长兄明心里

Gou ciuhvunz sinhoj 我一辈苦凄

Laux liux lwg mbouj gyoh 老了儿不惜

Ra sengloh mbouj deng 生路找不到

Daej damengz seizneix 哭双眼瞎去

Hix mbouj geijlai naih 也不用几时

Lwggyax caiq baenzvunz 孤儿再成器

Gou sim cungj lij eiq 我心中欢喜

Laux liux lwg mbouj gyoh 老了儿不惜

Ra sengloh mbouj deng 生路找对逆

Daej damengz seizneix 双眼哭瞎去

Gou ciengx sou lij saeq 我从小养你

Mbouj hawj daej dungxiek 不让哭肚饥

Miz biek haeux caeuq noh 有饭又有肉

Laux liux lwg mbouj gyoh 老了儿不惜

Ra sengloh mbouj deng 生路找不到

Daej damengz seizneix 哭双眼瞎去

38

Guhmaiq nguh cingcin 守寡误青春

Daengq ciuhlaeng baenaj 下辈过时辰

Caiq bae haq lingh vunz 再嫁给别人

Ciengx doiq lwg daengz hung 养儿今长成

Mbouj nyinh cingz ngoenzneix 如今不认亲

Caen gikheiq gou lai 真是气死人

Daj lij saeq cix you 从小就忧心

Gou lwnh sou doengzbeix 告诉众乡亲

Rox feiq geijlai sim 费多少心血

Guhmaiq nguh cingcin 守寡误青春

Daengq ciuhlaeng baenaj 下辈过时辰

Caiq bae haq lingh vunz 再嫁给别人

Laemxsim rungx Dahyouj 铁心育达忧

Lij naeuz gou mbouj caen 还讲我不亲

Dwen daengz sim cix yungz 提及心要溶

Ciengx doiq lwg daengz hung 养儿大成人

Mbouj nyinh cingz ngoenzneix 今日不认亲

Caen gikheiq gou lai 真是气死人

39

Ok dou siengj caen loeng 出门想不通

Lwnh doengzmwngz nuengx cej 告诉众妹兄

Siengj ra meh mbouj meiz (miz) 想找妈落空

Caez youq naeuz mbouj ndei 共住说我凶

Gag ra bae cauhcienh 自己找下贱

Caeuq nuengx bienq liengzsim 姐弟变心胸

Naeuz mehlaeng mbouj ndei 讲后娘不好

Cog mizseiz goj rox 将来就会懂

Raemxda hoj cix roengz 苦泪卜卜掉

Okdou siengj caen loeng 出门想不通

Lwnh doengz mwngz nuengxcej 告诉众妹兄

Siengj ra meh mbouj meiz (miz) 想找妈落空

Yied siengj sim yied maz 越想心越空

Gamz raemxda bae haq 今再嫁老公

Ngeihceij naj mbouj miz 二指脸丢尽

Caez youq naeuz mbouj ndei 共住说我凶

Gag ra bae cauhcienh 自己找下贱

Caeuq nuengx bienq liengzsim 姐弟变心胸

40

Daengq mehbaj ranzlinz 嘱伯母邻居

Gou yamqdin baenaj 我再嫁出去

Geiq coenz vah hawj sou 托话给妯娌

Dahyouj ndoiq lwgdaeuz 达优是长女

Siuj yienghlawz mbouj ndaej 少一样不行

Sou cix daeq gou naeuz 请帮我教育

Mingh couj mbouj doengz vunz 命丑不如人

Dauq yamqdin bae haq 再迈出嫁婿

Ndek lwggyax mbouj lumz 忘不了孤儿

Daengq mehbaj ranzlinz 嘱伯母邻居

Gou yamqdin baenaj 我再嫁出去

Geiq coenzvah hawj sou 托话给妯娌

Co goj siengj doengzdoih 原想在一起

Guenj song ndoiq lwglinz 管他们姐弟

Siengj buenxfwngz gvaqgyaeuj 相伴过一生

Dahyouj ndoiq lwgdaeuz 达优是长女

Siuj yienghlawz mbouj ndaej 少一样不行

Sou cix daeq gou naeuz 请帮我教育

41

Caez youq cibgeij bi 共处十多年

Gou mbouj miz vaih naj 我没丢过脸

Caenh gou haq guhlawz 赶我嫁何缘

Cienh dangq max caeuq lawz 比马驴还贱

Miz bouxlawz doengz gou 谁像我这样

Cingj doengzsou bingzleix 请你们明鉴

Gamz raemxda okdou 含泪走出门

Gou lwnh sou beixnuengx 告诉众家人

Ndaw bak cuengq aen mbi (mbei) 苦胆嘴里含

Caez youq cibgeij bi 共处十多年

Gou mbouj miz vaih naj 我没丢过脸

Caenh gou haq guhlawz 赶我嫁何缘

Yiengz lij gvih gwn neq (cij) 羊还跪吃奶

Lwg caenh meh okdou 儿赶妈出门

Faex fad gou dangq mou 棍赶如猪狗

Cienh dangq max caeuq lawz 比马驴还贱

Miz bouxlawz doengz gou 谁像我这样

Cingj doengzsou bingzleix 请你们明鉴

42

Roeg lij rox gueng meh 鸟知反哺义

Sou nuengxcej bienq sim 姐弟变心意

Lumz aencingz seuqsat 恩情全忘记

Feiz dawz daeuh cix ndat 火燃灰烫地

Aeu raemx bat cix meng 用水泼就灭

Sou guh deng rox mbouj 你们做无理

Yiengz rox gvih gwn cij 羊懂跪奶义

Ciengx mbouj dij saek dei (di) 养你太不值

Caenh gou bae lingh geh 赶我到别地

Roeg lij rox gueng meh 鸟知反哺义

Sou nuengxcej bienq sim 姐弟变心意

Lumz aencingz seuqsat 恩情全忘记

Cax cab raemx mbouj duenh 刀砍水不断

Meh goj niemh daengz sou 妈可念到你

Caenh okdou cix sat 赶出门也罢

Feiz dawz daeuh cix ndat 火燃灰烫地

Aeu raemx bat cix meng 用水泼就灭

Sou guh deng rox mbouj 你们做无理

(caengz sat)