Dang Gaeqnohndaem

Yenzliuh: Duz gaeqnohndaem ndeu, song go coeng, naed hing he, di laeuj caeuq gyu ndeu.

Guhfap:

1、Swiq gaeqnohndaem seuq, hing ronq baenz gep, ronq coeng baenz donh.

2、Dwk gaeqnohndaem roengz raemxgoenj bae log, cawz raemxlwed cingh.

3、Dawz gaeqnohndaem、laeuj、coeng、hing itheij dwk roengz gumeng bae, feizhaenq coemh goenj le gaij yungh feiznumq aeuq song diemj cung, dwk di gyu ndeu couh ndaej gwn.

Dang Byacaek Daeuhfouh

Yenzliuh: Duz byacaek ndeu, gaiq daeuhfouh ndeu, 3 gep hing, song donh coeng, di youz、gyu、mba hozceu、laeuj、gihcingh he.

Guhfap:

1、Sousib byacaek seuqcingh, dwk gyu caeuq laeuj iep yaep ndeu; daeuhfouh cab baenz gaiq 1 lizmij na;

2、Hai feiz coemh gumeng ndat, dwk di youz ndeu le dwk byacaek roengz cien daengz song mbiengj saek henjgim;

3、Dwk coeng caeuq hing roengz, caiq dwk di raemx ndeu, goeb fa cawj goenj gaij yungh feiznumq aeuq 40 faen cung le dwk daeuhfouh roengz, caiq aeuq 5 faen cung baedauq, dwk gyu、mba hozceu、gihcingh diuzfeih gwn.