(ciep geizgonq)
27
Daj lij saeq ndaw vaj 从你在襁褓
Gou cix ra ciengx sou 养育我辛劳
Laih daengz gyaeuj baenz ndei 以为到头好
Bouxlawz youh bae ngeix 哪个又料到
Daengz ngoenzneix souh ek 今日遭厄运
Dawz meh gek okbae 把老妈赶跑
Caeux rox mbouj daengz gyaeuj 早知有今日
Soh mbouj souj lai ndei 不守寡就好
Mienx gwnheiq gwnvah 免挨骂受气
Daj lij saeq ndaw vaj 从你在襁褓
Gou cix ra ciengx sou 养育我辛劳
Laih daengz gyaeuj baenz ndei 以为到头好
Gwn raemx cix haiz nyaq 吞水哺饭泥
Cij ciengx maj doengzsou 把你们喂饱
Lij naeuz gou mbouj ndei 还讲我不好
Bouxlawz youh bae ngeix 哪个又料到
Daengz ngoenzneix souh ek 今日遭厄运
Dawz meh gek okbae 把老妈赶跑
28
Meh guh maz mbouj deng 妈有何错差
Cix wngdang hoih gangj 应当慢讲话
Bae baemz vanj guh maz 又摔碗干吗
Mbouj miz dwg gou ra 家里不缺啥
Dauq gwnvah lanhcienh 我反受诬蔑
Cam sou yienz rox mbouj 你是否贤娃
Danghnaeuz mizmaz vah 倘若有啥话
Doiqnaj gangj yax ndei 当面讲好啦
Meh lwg gaejyungh ceng 母子莫吵架
Meh guh maz mbouj deng 妈有何错差
Cix wngdang hoih gangj 应当慢讲话
Bae baemz vanj guh maz 又摔碗干吗
Lwnh ndwencieng cibseiq 春节中元节
Caeuq vunz beij mbouj yaez 与人比不差
Cienz gwn noh bya caez 鱼肉吃得够
Mbouj miz dwg gou ra 家里不缺啥
Dauq gwnvah lanhcienh 我反受诬蔑
Cam sou yienz rox mbouj 你是否贤娃
29
Guengfat caen vaddaeuz 光发⑦真狡猾
Siengj lamxaeu gyacaiz 想把家产霸
Dauqfanj gangj vahgvai 反而讲乖话
Yienzlaiz gou guhmaiq 当初我守寡
Nienz youh oiq youh ndei 年轻又漂亮
Caeux gangj dei (di) baenzmaz 早讲点好啦
⑦光发：人名，即蒙光发，他是蒙光辉的哥哥。
Gou nienzlaux baenaj 我如今年老
Seiqcibhaj guhdaeuz 四十五起码
Cij naeuz gou mbouj gyaeu 讲我不不美
Guengfat caen vaddaeuz 光发真狡猾
Siengj lamxaeu gyacaiz 想把家产霸
Dauqfanj gangj vahgvai 反而讲乖话
Gangjvah mbouj aeunaj 讲话不要脸
Duzbyaj youq gwnzmbwn 天上雷公大
De bag mwngz gaej gvaiq 雷劈莫怪它
Yienzlaiz gou guhmaiq 当初我守寡
Nienz youh oiq youh ndei 年轻又漂亮
Caeux gangj dei (di) baenzmaz 早讲点好啦
30
Cek meh lwg bieksanq 拆母子离散
Hix goj dangq cek hoen 像拆魂割肝
Ciuh neix coem daengz laj 这辈亏到胆
Daengq lwggyax haethaemh 嘱孤儿早晚
Deng gwnhaemz gwnhoj 今后挨吃苦
Bae gyawz rox ngoenzneix 哪知今日惨
Naeuz mehlaeng mbouj ndei 讲后娘不好
Gou okbae lu Youj 忧呀我走人
Youq neix souj hoengqhanz 在此空守寡
Cek meh lwg bieksanq 拆母子离散
Hix goj dangq cek hoen 像拆魂割肝
Ciuh neix coem daengz laj 这辈亏到胆
Rungx bae youh rungx dauq 抚育又宠爱
Sou cingq caux baenzvunz 你才成成人
Seizneix hung doengzsaemq 现在如同伴
Daengq lwggyax haethaemh 嘱孤儿早晚
Deng gwnhaemz gwnhoj 今后挨吃苦
Bae gyawz rox ngoenzneix 哪知今日惨
31
Daengq Dahyouj Daegyiuh 嘱达忧特耀
Sou danh yiuq baenaj 你们往前瞭
Gangj coenz vah dwggyaez 可爱话再唠
Langh sou goj rox leix 若你知理孝
Bae yawj maex (meh) saek ngoenz 有空去看妈
Cix suenq mwngz roxyiuj 算你知礼貌
Meh biek sou ngoenzneix 妈别你今日
Daej mbouj meiz (miz) raemxda 哭没眼泪掉
Lingh bae haq guhciuh 这辈再改嫁
Daengq Dahyouj Daegyiuh 嘱达忧特耀
Sou danh yiuq baenaj 你们往前瞭
Gangj coenz vah dwggyaez 可爱话再唠
Lwnh hong naek hong mbaeu 无论轻重活
Hongranz sou gag guenj 家务自管到
Youh dajsuenq hongreih 又要做农活
Langh sou goj rox leix 若你知理孝
Bae yawj maex (meh) saek ngoenz 有空去看妈
Cix suenq mwngz roxyiuj 算你知礼貌
32
Ndei yak vunz hix rox 好坏人都知
Youz samcoj guhgyang 由三祖判理
Gaejyungh gangj vahbyauz 莫讲空话语
Langh sou rox gyan’gyauj 若你施奸计
Conx mehlaux cawz gaen 就铲草除根
Gveng aencingz roengz dah 恩情丢河里
Gou dwg ndei rox yak 我是坏是好
Goj miz bak cungqvunz 可有群众记
Caz mbanj Vunzmungz doh 查遍云蒙村
Ndei yak vunz hix rox 好坏人都知
Youz samcoj guhgyang 由三祖判理
Gaejyungh gangj vahbyauz 莫讲空话语
Diendeih daeuj guhcingq 天地来作证
Raeuz caez dingq goengleix 一同听公理
Bouxlawz seih goengdauh 哪个是公道
Langh sou rox gyan’gyauj 若你施奸计
Conx mehlaux cawz gaen 就铲草除根
Gveng aencingz roengz dah 恩情丢河里
33
Daengq Guengfat guh beix 嘱长兄光发
Gaej bae ngeix coenz vunz 别听外人话
Haemh ma ninz hoih nanq 晚睡细思吧
Seizneix gou hix camj 现在我惨怛
Lwg baenz danq baenz feiz 儿成火成炭
Youz mwngz bae son’gyauq 由你来教他
Gou miz mwngz guh goek 有你做根基
Son doiq lwg baenzvunz 教儿女长大
Raeuz caez yaeng hix heih 我们好相商
Daengq Guengfat guh beix 嘱长兄光发
Gaej bae ngeix coenz vunz 别听外人话
Haemh ma ninz hoih nanq 晚睡细思吧
Gou bae mbouj geij nanz 我去后不久
Byaij haw mbanj goj raen 会见走上下
Caiq caensim hoih gangj 再细致交谈
Seizneix gou hix camj 现在我惨怛
Lwg baenz danq baenz feiz 儿成火成炭
Youz mwngz bae son’gyauq 由你来教他
34
Daengq Dahyouj coenzhauq 嘱达忧句话
Gou bae cauh gyaranz 我去造我家
Cingj mwngz ngonz Daegyiuh 管好特耀吧
De mboujcaengz roxyiuj 他还未知啥
Mboujcaengz giuj dangq mwngz 不如你乖巧
Guenj de hung hwnjdaeuj 管教他长大
Hix mbouj geijlai naih 也不要多久
De cix gvai baenz vunz 他就会长大
Ndaej coengh mwngz dajsauq 能帮你扫地
Daengq Dahyouj coenzhauq 嘱达忧句话
Gou bae cauh gyaranz 我去造我家
Cingj mwngz ngonz Daegyiuh 管好特耀吧
Gou co daeuj gizneix 我初到这里
Daegyiuh lij gaem fwngz 特耀把手拉
Laih doengzmwngz gag laux 以为你自大
De mboujcaengz roxyiuj 他还未知啥
Mboujcaengz giuj dangq mwngz 不如你乖巧
Guenj de hung hwnjdaeuj 管教他长大
(caengz sat)
缩小
默认
