Mehdaiqndang gwn ngaizromh gaxgonq, ceiq ndei sien gwn di doxgaiq ndeu, lumj mienhbau、bingjgan daengj, doeklaeng caiq gwn cijvaiz. Caiq gangj, danghnaeuz ngamq gwn boi cijvaiz ndeu, aenndang bouj ndat lij caengz cukgaeuq, aeu lai gwn di doxgaiq ndeu bouj cij ndaej.

Linghvaih, mehdaiqndang gwn caeuz sat song diemj cung roxnaeuz yaek haeujninz diemj cung he gaxgonq gwn boi cijvaiz ndat ndeu, ndaej coi vunz ninz ndaek vaiq. Aenvih cijvaiz hamz miz swzanhsonh gig lai, miz itdingh coi ninz cozyung.

Ndaw cijvaiz mbouj gya gijmaz doxgaiq, dwg gijgwn ndei vunzraeuz. Mehdaiqndang youq mwh daiqndang geizgan, moix ngoenz aeu genhciz gwn boi cijvaiz ndeu, yienghneix ndaej coi lwgndawdungx fazyuz.