1、Cukmakleiz: Aeu 2 aen makleiz, swiq seuq lienz naeng daiq ngveih ronq soiq, 100 gwz haeuxsuen, caeuq raemx itheij cawj cuk gwn. Aenvih makleiz ndaej nyinh sauj, dwg gijgwn baujgen seizcou ciengz gwn haenx.

2、Cukmaklaeq: Aeu 50 gwz maklaeq, 100 gwz haeuxsuen, caeuq raemx itheij cawj cuk gwn. Aenvih maklaeq ndaej ciengx dungx cangq dungx、bouj mak nyangq nyinz、vued lwed dingz lwed, daegbied hab bouxlaux hwet naet ga naiq、hoh in gwn.

3、Cuklwgraz: Aeu 50 gwz lwgraz, 100 gwz haeuxsuen, sien cauj lwgraz cug nienj mienz, caj cawj cuk haeuxsuen cug le gyaux mba lwgraz gwn. Hab boux baenz haexgaz、boux bwt sauj ae lai、gyaeuj ngunh daraiz gwn.

4、Cuklauxbaeg nding: Dwk youz cauj lauxbaeg nding, gya 100 gwz haeuxsuen caeuq raemx cawj cuk gwn. Aenvih ndaw lauxbaeg nding hamz miz huzlauxbaeg doxgaiq, ndang vunz sup aeu le ndaej cienjvaq baenz veizswnghsu A, hab boux naengnoh hawqsauj、boux naengbak dekleg gwn.

5、Cuk vagut: Aeu 60 gwz vagut, 100 gwz haeuxsuen, sien baek vagut aeu raemx caiq caeuq haeuxsuen cawj cuk gwn. Aenvih vagut ndaej sanq rumz ndat、cing daep huj、raeh da, doiq seizcou rumz ndat dwgliengz、sim fanz hoz sauj、da nding foeg in miz haemq ndei ceihyw goengyauq.