Haemh ronghndwen hau- sak ndeu, ndaw ciengzdingzci cienz daeuj sing doxceng. Yienzlaiz dwg gak cungj ci cingq doxceng. Cij dingq daengz aen danci saek mong ndeu danqheiq naeuz: “Ai, gaxgonq gou dwg geijlai vaiqvued ha, gyoengq- vunz dwg geijlai gyaez gou. Hoeng，seizneix gou cij deng ing youq gokciengz, ndawsim gou gig nanzgvaq ya!” Aen danci saek ngaenzhau haenx dingq le naeuz: “Mwngz gaej nanzgvaq lo, mwngz rox, Cungguek raeuz dwg ‘danci vangzgoz’, yienznaeuz seizneix raeuz roengzgang lo, hoeng, gaxgonq raeuz hix vih cien ranz fanh hoh guh gvaq gungyen ha! Siengj codaeuz, aen ranz miz aen danci ndeu dwg geijlai miznaj ha!”

Aen giceh ndeu dingq le, nyaenx mbouj ndaej dwkduenh gij doiqvah gyoengqde: “Hw, sou caeux couh doeklaeng lo! Sou yawjyawj, cienmonz vih dou guh ciengzdingzci haenx, caiq yawjyawj sou, sou mbouj beij dou lai ba! Caiq gangj dou giceh beij sou onjdangq lai lo, dou hix beij sou buet ndaej vaiq, dou baez ndeu gojyij cang ndaej haj bouxvunz, gyoengqvunz hai dou, geijlai vifung ha. Mbouj lumj sou, gyoengqvunz aeu yungh rengz yungh ga dab, cij menhmenh byaij, caen dwg- rengz!”

Gyoengq danci hix mbouj gamsim dwk naeuz:“Mbouj loek, dou dwg mbouj miz cienmonz ciengzdingzci, dou hix mbouj beij sou buet ndaej vaiq, hoeng dou mbouj cuengq ok ‘wyangjvadan’ daengj dox- gaiq miz haih, ciemq yungh dieg hix noix. Seizneix dizcang dihdan swnghhoz, gwih danci hengzdoengh, naengz baujhu digiuz raeuz. Sou yawj sou, baihlaeng baiz ok gij heiq haenx haih liux geijlai vunz? Lij sevei cinbu ne, hawj dou yawj, ndangcangq cij ceiq cungyau!”

Danci caeuq giceh dox- ceng mbouj dingz. Mozdozceh dingq le naeuz: “Sou mbouj aeu doxceng lo, danci, sou cungyau, aenvih miz sou, raeuz bienq ndaej engq insik ndangdaej, gyaezhoh vanzging. Giceh, sou hix cungyau, miz sou, gangj- mingz liux sevei raeuz cinbu lo. Mboujlwnh dwg giceh roxnaeuz danci, cungj dwg vih gyoengq- vunz fuzvu.”

Danci caeuq giceh dingq le gij vah mozdozceh, gyoengqde najmong dwk caez gangj:“Mbouj loek , raeuz wnggai yawj daengz ndeicawq swhgeij, lij wnggai fatyienh mbouj cuk swhgeij, raeuz dwg lizsij guhcingq ha, raeuz sam beixnuengx couhdwg gij ngoenzbonz、ngoenzlwenz caeuq ngoenzneix guekcoj fazcanj. Raeuz siengsaenq miz le raeuz, ngoenzcog gyoengqvunz itdingh engq ndei !”

（指导老师：罗 凤）