1、Mba megmienh 250 gwz cauj henj, moix baez aeu 2 beuzgeng raemxgoenj gya di begdangz ndeu diuzfeih gwn.

2、Maklaehcei sauj(cawz ngveih)、nohmbu gak 5 daengz 7 aen, 15 gwz maenzcienz, 30 gwz haeuxsuen, dwk di raemx ndeu ngauz cuk le caiq dwk di begdangz diuzfeih gwn.

3、Aeu 10 aen makmoiz ndaem gya raemx baek raenz aeu raemx de gya 60 gwz haeuxsuen cawj cuk cug, caiq gya di dangznae ndeu gwn, doiq gij lwgnyez siq nanz mbouj ndei yaugoj haemq ndei.

4、Aeu 10 gwz dangjsinh, 12 gwz fuzlingz, 3 gep hingndip, gya raemx baek le raenz aeu raemx de caiq gya 30 gwz haeuxsuen cawj cuk gwn, doiq lwgnyez hawcaep dungxsiq miz ywyauq.

5、Haeuxlidlu、haeuxsuen gak 30 gwz, dwk di raemx ndeu cawj cuk, cuk cug le dwk di begdangz diuzfeih, moix ngoenz baen 2 baez gwn.

6、Aen dungxmou ndeu ronq baenz gaiq, 30 gwz haeuxsuen, 15 gwz maenzcienz, dwk raemx cawj cuk cug le dwk di gyu ndeu diuzfeih gwn.

7、Nohmaklaeq 7 daengz 10 aen daem yungz, dwk raemx cawj baenz giengh heuz begdangz gwn.