Gip、menhsingq mak in: Duz bya- ndaem ndeu 4 liengx baedauq, gvet gyaep cawz dungxsaej bae, 2 cienz mbaw cazloeg oet haeuj dungx bya bae aeu mae cug ndei, dwk vanj raemx he cawj cug gwn dang caeuq nohbya, ngoenz fuk, lienzdaemh gwn 10 daengz 15 ngoenz. Geih gwn laeuj、geih dwk gyu、geih gwn gyoijhom、geih hengz fuengzsaeh.

Saekwk: Raed aeu di ribfwngz ndeu feiz coemh cuengq laj ndaeng nyouq dwk, saekwk doq dingz.

Ngunh ci: Mwh naenghci seiz cab aeu gep hingndip ndeu hamz ndaw bak, roxnaeuz aeu benq ywgau ndeu nem saejndw (mehdaiqndang geih yungh), boux ngunh ci youqgaenj cix song fueng doengzseiz yungh, miz daegbied yaugoj.

Mauhfung: Ngoenznaengz nap aeu liengx raemx byaekginzcai ndeu gwn, boux baenz mbaeu gwn byongh ndwen, boux baenz naek gwn ndwen ndeu couh ndei, danhseih geih gwn nohyiengz caeuq lwedbit.

Baenzngvangh (fatbag): Aeu 3 liengx va makdauz sauj, cax ronq mienz baen guh 10 faenh, moix baez yungh faenh ndeu, mwh fatbingh seiz yungh raemx mingzfanz cit soengq gwn. Ngoenz 2 baez, 5 ngoenz guh aen liuzcwngz ndeu, lienzdaemh gwn 3 aen liuzcwngz.

Menhsingq saej humz: Aen gyaeq- gaeq hau ndeu, buenq liengx laeujhau heuz ndei, haemhnaengz yaek ninz seiz gwn.