Mwngz rox gou yaek sij byawz lwi? Sij swhgeij gou ha.

Gou bakraeh bakraeuz, gwnz gyaeuj gou maj miz byoem ndaemndwtndwt, song lwgda gou luenzlulu ronghndik- ndik.

Gou dwg bouxvunz swnz- sienh he.

Miz baez he, youq gwnz roen cuengqhag dauqranz, gou yawjraen duz roeg nyaeq he deng sieng lo, de boemz youq henz roen saenzdedded, hojlienz raixcaix. Gou naemj: Duz roeg nyaeq neix dawzsieng baenzneix, itdingh dauq ranz mbouj ndaej, de haengjdingh siengsim lai lo, bohmeh de hix siengj de lai bw. Gou buet gvaqbae, dawz duz roeg nyaeq neix daiq dauq ranz. Baez daengz ranz, gou sikhaek bang de bau gizsieng, lij hawj de dwk yw dem, cuengq de youq ndaw ranz ciengx. Ngoenznaengz gou sij cozyez liux le cungj caeuq duzroeg “gangjgoj”, duzroeg lumjbaenz dingq rox gou gangj gijmaz nei, song lwgda de cungj cim gou, vaiqlag dangqmaz. Gvaq geij ndwen le, gizsieng duzroeg hix ndei lo, gou caeuq duzroeg hix baenz le baengzyoux ndei, hoeng gou naemj duzroeg miz aen seiqgyaiq swhgeij, baengzyoux de ngoenznaengz hix siengj de, de wngdang dauqma daswyenz. Vihneix, gou hai conghcueng hawj duzroeg mbin okbae lo, yienznaeuz gou sij mbouj ndaej, hoeng yawjraen duzroeg youq baihrog cwxcaih mbin bae mbin dauq, gou haisim dwk riu lo.

Neix couhdwg gou, boux vunz swnzsienh he, danghnaeuz mwngz siengj roxnaj gou, couh daeuj caeuq gou guh baengzyoux ba.

(Bouxhoiz: Sugij)