9 nyied 15 hauh lajbyongh- ngoenz, Gvangjsih Swhfan Yozyen 2014 gaep aen ban Cuengh Gun song vah saw doenghboux hagseng moq haihag yizsi youq Gvangjsih Swhfan Yozyen gawj- hengz. Swcigih Gyauyuz Dingh Minzcuz Gyauyuz Cu cucangj Veiz Lanzmingz、Gvangjsih Minzcuz Gyauyuz Fazcanj Cungsim cujyin Couh Gwzyih, Gvangjsih Swhfan Yozyen fuyaucangj Bungz Ningz camgya.

Veiz Lanzmingz naeuz, saed- hengz aen hanghmoeg dinghyiengq beizyangj doenghboux lauxsae guh siujyoz Cuengh Gun song vah saw sonhag, dwg vihliux daj goekgaen gaijgez aen vwndiz youq- gaenj gih raeuz doenghboux lauxsae guh Cuengh Gun song vah saw sonhag vunz mbouj gaeuq、cizlieng mbouj sang daengj, hawj gih raeuz minzcuz gyauyuz saehnieb ndaej caenh’itbouh faz- canj.

(Fungz Aiginz/冯爱琴)