9 nyied 28 daengz 29 hauh, Cunghyangh Aen Hoih Hong Minzcuz Nem Gozvuyen Daihroek Baez Daengx Guek Minzcuz Doxgiet Byaujcangh Daihhoih Youq Baek- ging hai.

Cunghgung Cunghyangh cungjsuhgi、Guekgya cujsiz、Cunghyangh Ginhveij cujsiz Siz Ginbingz, Cunghgung Cunghyangh Cwngcigiz cangzveij、Gozvuyen cungjlij Lij Gwzgyangz, Cunghgung Cunghyangh Cwngcigiz cangzveij、Daengx Guek Yinzda Cangzveijvei veijyenzcangj Cangh Dwzgyangh, Cunghgung Cunghyangh Cwngcigiz cangzveij、Daengx Guek Cwnghez cujsiz Yiz Cwngswngh, Cunghgung Cunghyangh Cwngcigiz cangzveij、Cunghyangh Suhgicu suhgi Liuz Yinzsanh, Cunghgung Cunghyangh Cwngcigiz cangzveij、Cunghyangh Gijveij suhgi Vangz Gizsanh camgya baez hoih neix.

Siz Ginbingz youq gwnz hoih gangjvah, de cienzmienh faencek gij hingzseiq ndaw guek rog guek gvendaengz guek raeuz guh hong minzcuz de, haeujlaeg bae gangj gij fuengcim hung guek raeuz youq duenh baihnaj neix guh hong minzcuz. Lij Gwzgyangz gangj le gyavaiq fazcanj dieg minzcuz、coicaenh cienzmienh guh baenz siujgangh sevei. Yiz Cwngswngh youq hai hoih sat seizde guh cungjgez.

Baez hoih neix byaujcangh 1496 aen(boux) doenghgij cizdij minzcuz doxgiet mozfan nem doenghboux vunz minzcuz doxgiet mozfan.

Neimungzguj、Gvangjsih、Sihcang、Ningzya、Sinhgyangh 5 aen swcigih doenghboux daeuz fucwz dangj cwng de, doenghboux faen guenj hong minzcuz gak swngj gih si、Sinhgyangh Swnghcanj Gensez Binghdonz nem fuswngj gaep cwngzsi, doenghboux daeuz fucwz cunghyangh nem guekgya gihgvanh mizgven bumwnz、mizgven yinzminz donzdij, doenghboux fucwz ginhdui nem vujgingj budui, doenghboux daibyauj gij cizdij nem vunz mozfan de、doenghboux daibyauj daj Yanghgangj Aumwnz Daizvanh daegbied iucingj daeuj、doenghboux yungzyi daibyauj hong minzcuz daengj daihgaiq 1100 vunz camgya baez hoih neix.

(sij/ciuq Sinhvazse ingj/Se Vanzciz/谢环驰)