Youq ndaw ranz, daxboh daxmeh caeuq gou dingh aen gvidingh he: Byawz gwn caeuz sat ceiq menh couh swiq vanj. Daj seizhaenx hwnj, gou ca mbouj geijlai ngoenzngoenz ngaiz swiq vanj.

Swiq vanj swiq ndaej cinghseuq gig mbouj yungzheih: Sien yungh raemxcingh swiq baez he, caiq dauj di sijgezcingh roengz ndaw vanj bae, yienzhaeuh caiq yungh raemx swiq, youh yungh fwngz iq uet aen vanj geij baez, caiq hai raemxcingh cung baez dem, doeklaeng yungh mbaw gaen cingh uet gij raemx bae, baenzneix aen vanj cij suenq swiq ndei.

Ginggvaq swiq vanj gienh saeh neix, gou roxyiuj haujlai dauhleix: Daxboh daxmeh ngoenznaengz youq baihrog roengzrengz guh hong canh ngaenz, dauqma youh nyaengq dwk dajleix aen ranz, cawj doxgaiq hawj gou gwn, son gou hagsib, caen dwg sinhoj lai lo.

Youq ndaw haggeiz moq neix, gou itdingh aeu ndeindei hagsib, aundaej cingzcik ndei, bauqdap daxboh daxmeh.

(sam nienzgaep Cangz Beizyiz)