Nanzningz Si Haidaeuz Guh Ndwen Senhconz Minzcuz Doxgiet Nem

Geiqniemh 《Minzcuz Gihyiz Swcifaz》 Fatbouh Saedhengz 30 Hopbi

Bonjbauq siusik (gicej Dangz Lungz/唐 龙 dunghsinyenz Luz Genyij/陆建宇) 9 nyied 17 hauh, aen yizsi haidaeuz guh Nanzningz Si 2014 nienz ndwen senhconz minzcuz doxgiet nem geiqniemh《Minzcuz Gihyiz Swcifaz》fatbouh saedhengz 30 hopbi de youq diuz gai Gyanghnanz Suijgaih giz Gvangjsih Minzsuz Gaihgih gawjhengz. Swcigih Minzveij fusinzsiyenz Veiz Cigenh, Siveij cangzveij、Dungjcanbu bucangj Yungz Ganghse, Si Yinzda Cangz- veijvei fucujyin Liuz Yungz, fusicangj Vangz Ningz, Si Minzveij cujyin Suh Cigangh daengj lingjdauj camgya. Baez yizsi neix youz Vangz Ningz cujciz, Yungz Ganghse gangjvah. Doenghboux ganbu cizgungh daengx Si minzveij (cunghgyaugiz), doengh- boux daibyauj gij cizdij mozfan、ranz mozfan、boux mozfan youq ndaw“haj ceng haj bingz”doxbeij hozdung bingz ndaej de, doenghboux daibyauj Nanzningz Si saujsu minzcuz louz- doengh yinzyenz(vunz) fuzvu cungsim nem“ranz minzcuz”ndaw segih, doenghboux saujsu minzcuz daibyauj gak gyaiq ndawbiengz daengj camgya baez yizsi neix.

Ciuq cam rox, bineix dwg bi《Minzcuz Gihyiz Swcifaz》fatbouh saedhengz ndaej 30 hopbi de. Vih cauxguh daengx guek minzcuz doxgiet cinbu sifansi, haeujlaeg senhconz 《Minzcuz Gihyiz Swcifaz》, caenh’itbouh gyamaenh aen sevei- cujyi minzcuz gvenhaeh doxdoengz、doxgiet、doxcoengh、huzndei de, Nanzningz Si Siveij、 Si Cwngfuj dingh 9 nyied 15 hauh daengz 10 nyied 15 hauh youq daengx si guh ndwen senhconz minzcuz doxgiet nem geiqniemh《Minzcuz Gihyiz Swcifaz》fatbouh saedhengz 30 hopbi hozdung. Youq guh hozdung geizgan, aen si neix lij cujciz guh minzcuz doxgiet cihsiz doxdax、《Minzcuz Gihyiz Swcifaz》senhconz haeuj segih、minzcuz doxgiet gyauyuz haeuj hagdangz、yozsuz yenzdaujvei、“minzcuz doxgiet sim lienz sim”daengj buek hozdung guh cawjdaez senhconz gyauyuz ndeu.