●9 nyied 11 hauh, Vuz- couh Siveij Cujcizbu、Si Minz- veij、Siveij Dangjyau doengz- caez youq Vuzcouh Siveij Dangjyau gawjbanh“2014 nienz Vuzcouh Si saujsu minzcuz ganbu beizyinbanh”haiban yizsi. Aen si neix 32 boux saujsu minzcuz gohgiz ganbu camgya beizyin.

(Liuz Gozvwnj)

●Gaenh bi daeuj, Liuj- cwngz Yen Secungh Yangh nungzminz yawjcinj hawciengz, haenqrengz dajndaem makit、gvehoengz、lwgfaeg daengj. Dangqnaj daengx mbanj daj- ndaem 50 lai moux gosiuqbaq, moix moux canjciz ndaej fanh lai maenz.

(Dwng Gwzyi)

●9 nyied 10 hauh ban- haemh, Ningzmingz Yen Aiden Cin Gunghingh Yisuzdonz 20 boux yenjyenz vunzmbanj, bae daengz henzguek Nazdangj Cunh, vih vunz henzguek yienj daiz vwnzyi vanjvei ndeu, baugvat siujbinj、diuqfoux、gag ciengq、eu fwen daengj 12 aen cezmuz gag bien gag yienj de, vunz henzguek yawj le gig angq.

(Couh Yizgangh)

●Daj bineix daeuj, Loz- cwngz Mulaujcuz Swciyen aeu 11 nyied angqhoh swciyen laebbaenz 30 hopbi guh gihvei, gonqlaeng hai doeng cigungh- gyauhceh lienz ndawsingz nem lajmbanj、hwnjguh buek diengz caj cigunghgyauhceh ndeu, hawj vunz dapci lai bienh, hawj vunz dieg Mulaujcuz gamjsouh daengz minzcuz cwngcwz ndei dangj raeuz.

(Liu Gvanghfuz)

●9 nyied 9 hauh, Sanh- gyangh Dungcuz Swciyen Duz- dung Yangh Bingliuz Cunh Mbanjvazlen gawjbanh hozdung gvaq ciet vaiz doxdaemj, 16 duz vaiz vuengz haenqrengz doxdaemj, neix dazyinx baenz cien vunz ngonzyawj, aeu neix daeuj angqhoh fungsou.

(Gungh Bujgangh)