Gaiq Cunghgoz-Dungh-

mungz Bozlanjvei Youq Namzningz Hai

9 nyied 16 hauh, Daihcib’it Gaiq Cunghgoz-Dunghmungz Bozlanjvei Nem Cunghgoz-Dunghmungz Sanghvu Caeuq Douzswh Funghvei gaihmusi youq Namzningz gawjhengz. Cunghgung Cunghyangh Cwngcigiz cangzveij、 Gozvuyen fucungjlij Cangh Gauhli youq gwnz gaihmusi gangjvah caemh naeuz, Cungguek nyienh caeuq Dunghmungz doengzcaez caenh’itbouh dajcaux aen Cunghgoz- Dunghmungz gvenhaeh gengangh、onjdingh、youh coz youh rengz.

Youq gwnz gaihmusi, Sinhgyahboh cungjlij Lij Yenjlungz、Genjbujcai soujsieng Hungzswnh、Laujvoh guekgya fucujsiz Bwnjyangz、Menjden fucungjdungj Nenzdunh、Daigoz fucungjlij Dahnazsaz nem Yeznanz fucungjlij Fan Cangzmingz hix gonqlaeng gangjvah.

Baez bozlanjvei neix hopheux aen cawjdaez caemh guh“21 sigij diuz roen seicouz gwnzhaij”, yien fwngz doxgap, caemh byaij baenaj; lij gawjbanh buek douzswh hozdung ndeu, caenh’itbouh hawj Cunghgoz nem Dunghmungz youq denliz、swhfaz、vanzbauj、gunghsangh daengj fuengmienh gya’ndei doxgap.

(sij/Dungj Gvanyang/董冠洋 Linz Yenvaz/林艳华 ingj/Luz Boh'an/陆波岸)