Gaenh bi daeuj, Dava Yauzcuz Swciyen mboujduenh okmoq fuzbinz haifat mozsi, baengh swhyenz dang- dieg, nyinhcaen guh ndei hong sifan fuzbinz dieg saujsu minzcuz comzyouq, gig ndei dwk doihaeuj hong fuzbinz saujsu minzcuz, hix vih aen yienh neix comz ndaej gij gingniemh damqra haifat fuzbinz.

Ciuq cam rox, aen yienh neix bineix lij roengz cienzngaenz fuzbinz 2019 fanh maenz coengh saujsu minzcuz ginzcung coih roenrinreq 55 diuz 83.7 goengleix、roensuijniz mbanj gaep 28 diuz 25.6 goengleix, comz vun comz rengz guh lajmbanj saedyungh gisuz beizyin 5128 vunzbaez, gig ndei dwk doidoengh saujsu minzcuz gvaq ndaej engq ndei nem sevei huzndei.

(Vangz Vwnzboh/黄文波)